LUKAS 12:7 - Tanou Moonsoi Timugon

⁷ Sotopot no inuntob noyo ngaangai' abuk ra ulu mino. Ginio ra pai' kau kalaa'. Mologo kau poyo intor ra masuang pilit ra pagilangan ri Aki Kapuuno'!”

LUKAS 12:7 Iomraidhean Croise

2 SAMUIL 14:11

Kon ru ruandu' no, “Gama' ru makiasi' kou ra Tuhan, i Aki Kapuuno' muno, maa' raginio ulun ondo' mambalos ra pinatayan ru anak kuli kalo mambaal ra kalaatan ondo' maayo poyo ra mamatoi ra anak kuno ondo' sangulun poyo.” Taam Raja' Daut, “Ralalom inggalan ru Tuhan ondo' maayag, anak muno kalo jamarin kabalu' pana ra sanganu pana.”

AYUP 35:11

am nampasauk risilo ra mapintar poyo intor ra bibiag ra lantur kapoam susuit ra mansiab.

MAZMUR 8:6

Sinauk Mu ilo saboi mamaar mogondo' Rirun galama'; pinasampak Mu ra ulu nilono katulayan am pangurumatan.

MATIUS 12:12

Ulun mologo kaga' intor ra domba! Ginio ra Ukum ri Musa no makataak ritakau mangindangan ra sasangulun paat ra orou Sabat.”

MATIUS 6:26

Ilai' min ayuk susuit-susuit ondo' mansisiab, kalo mantanom ilo ra sampug kapoam mangkumos am niayuk manimung ra akanon ra gudang, kaa' Ama' min giu' ra suruga' mampaakan risilo! Sala' ka kia maatang kau kaga' intor ra susuit-susuit no?

LUKAS 21:18

Kaa' alungin kau ri Aki Kapuuno' saboi kolondo' rondo' pana ra abuk mino maubul.

RINALATAN 27:34

Ginio ra maminson aku ramuyun ra pangakan kau! Ginio koson mampaligag poyo ramuyun. Kalo matoi kau, rondo' abuk min pana am kalo maubul.”

1 SAMUIL 14:45

Kaa' indagu mamagun ra Raja' Saul, “Musiti' kia ukumin i Jonatan ra matoi? Sala' ka kia io nokoowot ra kamanangan ondo' maayo ti? Binantu' mai ralalom inggalan ru Tuhan ondo' naayag, santiis ra abuk ri Jonatan no pana kalo kulawon! Mabaya' ra indangan ru Tuhan, nokoowot io ra kamanangan ra orou raiti'.” Koon raginio noyo mamagun namayag ri Jonatan intor ra ukuman matoi.