LUKAS 12:50 - Tanou Moonsoi Timugon

⁵⁰ Mokoondo' kaimbalaan masauk Raki' am mumpara' boo labo Kuno saboi ngaangai' no mopongo!

LUKAS 12:50 Iomraidhean Croise

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

MATIUS 3:6

Mangiou ilo ra tula nilai am riwon ilo ri Juanis ra Sungoi Jordan.

LUKAS 12:49

“Minatong Aku ra tana' ti magibit ra apui ru ukum ri Aki Kapuuno'. Malansan Aku kaga' ra napaangan noyo apui no!

JUANIS 18:11

Kaa' indagu boo i Jisus ri Pitrus, “Paangkapo' ilang muno! Musiti' Aku manginum ra sangkir kaimbalaan ondo' inaru' noyo ri Ama' Raki'.”

JUANIS 19:30

Kainum ri Jisus wain i, indagu Io, “Nopongo noyo!” Kuku' Io boo am kairui' Io ra painawo.

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 7:10

Pakaugar ayuk pabukat Nano minongoi ra pangiantakan i, am i Jisus pana siminunu' niayuk. Kaa' kalo timinalang Io ra ulun masuang, simininok Io ayuk minongoi.

RINALATAN 20:22

Am raino, maya' ra susuban ru Ambiluo ri Aki Kapuuno', mongoi aku ra Jirusalim. Kalo nakapandai aku ra atan kia masauk raki' ra giu' no.