LUKAS 12:41 - Tanou Moonsoi Timugon

⁴¹ Indagu i Pitrus, “Tuhan, Okou nantunung ra abig ti, pasukuon ayuk kia ramon kapoam ra ngaangai' ulun?”

LUKAS 12:41 Iomraidhean Croise

MARKUS 13:37

Ondo' raguon Kuno ramuyun, raguon Ku niayuk ra ngaangai' ulun: Pantataani' min!”

MARKUS 14:37

Saguli' boo i Jisus, ilai' No katalu ngaulun pinaaya' Nali nombobolong. Indagu Io ri Pitrus, “Simon, nombolong kou kia? Kalo kia makapaginaa kou saboi sanjam?”

LUKAS 12:47

Ulipon ondo' nakapandai noyo ra kasagaan ru tuan nano, kaa' kalo tumampos io mambaal, loposon io ra maruol toojo.

LUKAS 12:48

Kaa' ulipon ondo' kalo nakapandai ra kasagaan ru tuan nano, am makasala niayuk, loposon io ra kalo kula' ruol. Ulun ondo' inanian ra masuang no, masuang niayuk sikaan intor riso no. Amon ru masuang poyo pinalansan ra sangulun no, mulu' poyo suang ru kitaakon intor riso.”

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.