LUKAS 12:21 - Tanou Moonsoi Timugon

²¹ Pupusi' boo ri Jisus, “Gitio noyo pinambalos ra ulun ondo' lumuntuk ayuk manimung ra kuliamos, kaa' sotopot no musikin io ra pagilangan ri Aki Kapuuno'.”

LUKAS 12:21 Iomraidhean Croise

AMSAL 13:7

Mokoondo' ulun sumalu ra langkaya', sotopot no kolondo' atan-atan linonggom no. Mokoondo' niayuk sumalu ra ulun musikin, sotopot no langkaya' io.

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

ABAKUK 2:9

Aibui boo ramuyun! Napalangkaya' kau ra sasambaloi min ra atan ondo' noowot min ra kalaatan. Nanambaloi kau ra mapiot koson manindung ra sasambaloi min intor ra karaat.

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 16:11

Amon ru kalo boo kalansanin kou ra okou mampakai ra kalangkayaan ru tana' ti raino, atan kosonon ra kalangkayaan ondo' mantilayun?

LUKAS 6:24

“Kaa' aibui boo ramuyun ondo' langkaya' raino ti, sabap ra kalangkayaan ru tana' ti ayuk ampos mino!

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!