LUKAS 12:19 - Tanou Moonsoi Timugon

¹⁹ Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

LUKAS 12:19 Iomraidhean Croise

AYUP 14:1

Ulun inanak ra malawo am kalo maikang, kaayagan nilo mariwa' am mapagon.

MAZMUR 49:18

paat ra ilo matoi kolondo' atan-atan maibit nilo; rapu' nilono kalo makatibaya' ra ilo lobongon.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

AMSAL 10:2

Amon ru langkaya' kaa' intor ra guang kalo mabanis io kalo magibit ra kaansayan, kaa' kabanisan ru guang mangampin ra kaayagan.

AMSAL 14:24

Ulun mapintar omporon sabap ra kapintaran nilo, kaa' ulun sasambungon mauligan kaga' sabap ra sasambungon ilo.

AMSAL 18:11

Kaa' pangkaraan ru ulun langkaya' rapu' no manindung risilo koson ra timbok masawat am mapiot ra libung ru bandar.

AMSAL 23:5

Ruit mataki' makai' koson kinataki' ru ganit, koson ayuk ra ruit no makakawo am mansiab ra limbowon koson ra kanui.

AMSAL 27:1

Pai' pamanggo atan kasaukan ra susuab, sabap ra kalo poyo natutunan min atan kasaukan no.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

JISAYA 22:13

Kaa' sala' boo maansukan kau am maantak. Nanimbalui kau ra domba am sapi', mangakan ra kual, am manginum ra wain, liliwa' mindagu, “Ibok pangakan am panginum takau sabap susuab no matoi takano.”

JISAYA 5:11

Aibui boo ramuyun! Kakakarat min ayuk poyo am manginum kano ra inumon makagauk. Magauk kau boo saboi ra tanga' ru rondom.

JISAYA 5:8

Aibui boo ramuyun! Nambali kau ra baloi am umo koson mamparuang ra longgom mino. Kalo boo mabuoi makayaan noyo ulun ra bokon ra intok. Akau ayuk mayan ra pagun raginio.

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.

AMOS 6:13

Masawat ragu min sabap kinala min noyo bandar Lodibar. Kamin ra liminimbau, “Naukop ikang mai koson mampagaau ra bandar Karnaim.”

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

LUKAS 12:18

Mambaal aku koson ragitio; lunsayon ku boo gudang-gudang kuno am mambaal aku ra maayo poyo, koson papasuangan ku ra ampos ru tana' am ngaangai' kuliamos kuno ra bokon.

LUKAS 16:19

“Mokoondo' sangulun langkaya', bayang nano mongologo am maayag io ralalom kalangkayaan ra moonong orou.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

1 KORINTUS 15:32

Kolondo' onong aku gumula' ra ulun malaat giti ra bandar Ipisus, amon ru ampos no kaayagan ru tana' ti ayuk. Amon ru ulun minatoi kalo bayagon saguli', moonsoi maya' takau ra abig ragitio; “Ibok! Akan, inum am rumamai takau, sabap ra susuab matoi takano.”

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

1 TIMOTIUS 5:6

Kaa' napuor ondo' maringkumaa' ayuk ra kalangkayaan, io ti karaan koson ra pangintapatan nano minatoi noyo, kabalu' pana naayag io.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

2 TIMOTIUS 3:4

Ilo mapandai mamparuung, jajajou am masumbung ayuk. Ilo maansayan ayuk ra katasuan ru kaayagan nilo galama', intor monogom ri Aki Kapuuno'.

JAKUBUS 5:5

Kaayagan min ra tana' ti liminangkaya' am nabubunsag kau ayuk, am lumomok kau ayuk maginaa ra orou panimbaluyan, ioginio Orou Pangukuman.

1 PITRUS 4:3

Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’

1 SAMUIL 30:16

Io pana nangator ri Daut ra intok ru ulun raginilo. Ulun raginilo nakatabual ra giu' am giti, giu' ra titikop ru intok raginio. Tatanga' ilo mangakan manginum am maansukan sabap ra masuang rapu' ondo' ginaau nilo intor ra pagun ru ulun ru Palistin am Jiuda.