LUKAS 12:18 - Tanou Moonsoi Timugon

¹⁸ Mambaal aku koson ragitio; lunsayon ku boo gudang-gudang kuno am mambaal aku ra maayo poyo, koson papasuangan ku ra ampos ru tana' am ngaangai' kuliamos kuno ra bokon.

LUKAS 12:18 Iomraidhean Croise

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

MATIUS 6:26

Ilai' min ayuk susuit-susuit ondo' mansisiab, kalo mantanom ilo ra sampug kapoam mangkumos am niayuk manimung ra akanon ra gudang, kaa' Ama' min giu' ra suruga' mampaakan risilo! Sala' ka kia maatang kau kaga' intor ra susuit-susuit no?

LUKAS 12:17

Mangkara' io, ‘Kolondo' boo intok pambulian ku ra ampos ru tatanom kutu. Atan kia baalon kutu?

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

LUKAS 12:21

Pupusi' boo ri Jisus, “Gitio noyo pinambalos ra ulun ondo' lumuntuk ayuk manimung ra kuliamos, kaa' sotopot no musikin io ra pagilangan ri Aki Kapuuno'.”

LUKAS 12:24

Ilai' min ayuk susuit bangkaak no! Kalo mantanom ilo ra sampug kapoam mangkumos, kolondo' intok pampaulian nilo ra akanon, kaa' paakanon ilo ri Aki Kapuuno'! Mologo kau poyo intor ra susuit no!

LUKAS 18:4

Nabuoi noyo akim no marara' mangindangan riso, kaa' pupus nali nakapangkara' boo guang nali, ‘Kabalu' pana kalo malaa' aku ri Aki Kapuuno' am kalo mangurumat ra ulun bokon,

LUKAS 18:6

Indagu boo Tuhan, “Rongogo' ragu ru akim ra malaat no!

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

JAKUBUS 4:13

Am raino ti, rongogo' noyo gitio, akau ondo' mindagu ra, “Orou raiti' kapoam susuab, manding akai po ra rondo' bandar am mayan ra giu' no buoi sambilor. Giu' no mantatalan akai koson maguyum ra ruit masuang toojo.”

JAKUBUS 4:15

Sotopot no moonsoi ru mindagu kau kon ragino, “Amon ru Tuhan mangiou, maayag akai am baalon mai gitio kapoam ginio.”