LUKAS 12:1 - Tanou Moonsoi Timugon

¹ Liliwa' ra kukula' ngaribu ngaulun nagigisok, saboi mangakinjangan nilo kalayam ru rondo' am bokon, indagu galing i Jisus ra maamaya' Nano, “Ilalai' min pangilaan ru ulun-ulun ru Parisi, ioginio pagabawan nilai.

LUKAS 12:1 Iomraidhean Croise

2 RAJA'-RAJA' 7:17

Nakainamot paat raginio, pagawai saujor ru raja' pinangandoi magalung ra kulobon garabang ru bandar. Minatoi io ra giu' no sabap ra nakinjangan ru ulun masuang. Koon raginio noyo ondo' rinagu ri Ilisa paat raja' timinuum riso.

AYUP 20:5

kaansukan ru ulun malaat kalo mabuoi; katasuan ru ulun malaat sangkuliop ayuk.

AYUP 27:8

Atan kia kalansanan ru ulun malaat paat ri Aki Kapuuno' mangalap ra painawo nilo?

AYUP 36:13

Ulun ondo' kalo makaulig ri Aki Kapuuno', mambuli ra sangit; kabalu' pana ukumin, kalo makiasi' ilo ra makiindangan.

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

LUKAS 11:44

Mumpara' boo usung mino! Koson kau ra lobong kolondo' tatandu' ondo' kinjangin ru ulun kaa' kalo mapandayan nilo.”

LUKAS 12:56

Akau maabau-abau! Mapandai kau magilong ra tatandu' ru limbowon am tana', kua pai' kau pakarati' ra tatandu' ra orou raiti'.”

LUKAS 5:1

Paat ra rondo' orou, nangintairoi i Jisus ra nagas ru tasik Ginisarit. Masuang ulun liminimpu Riso koson mangkirongog ra Bala' intor ri Aki Kapuuno'.

LUKAS 5:15

Kaa' nakatabual poyo tanou intor ri Jisus ti saboi masuang ulun minatong mangkirongog am makibabas Riso.

LUKAS 6:17

Paat ra mambusul i Jisus am rasul Nano intor ra bulur no am uog ilo ra rondo' limayak. Giu' i mokoondo' poyo masuang maamaya' Nano ra bokon. Masuang poyo ulun nakaratong intor ra titikop Judia, Jirusalim am bandar Tirus am Sidon, ondo' karuruo ti mamaar ra raat.

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

1 KORINTUS 15:3

Tanou ra pinasaboi kutu ramuyun ti, iono ondo' naapu kuno galama' am ondo' maatang toojo ioginio: ra i Kristus minatoi sabap ra tula takau, koson tinulisan ra Buuk Kitab;

IBRANI 12:22

Kaa' sotopot no nakainggaar kau ra Bulur Sion am bandar ri Aki Kapuuno' ondo' maayag no, ioginio Jirusalim am poyo riribu malaikat giu' ra suruga'.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.