LUKAS 11:9 - Tanou Moonsoi Timugon

⁹ Ginio ra mambala' Aku ramuyun: Pakitaak kano am aniin kau; paguyum kano am makaalap kau; titiko' min kulobon no am ukabin kau.

LUKAS 11:9 Iomraidhean Croise

MAZMUR 118:5

Ralalom kapaganan, mampiau aku ra Tuhan; iowon No pakiasian kuno am palabuson No aku.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

MAZMUR 27:8

Mindagu guang kutu, “Ibok no sumamba Riso.” Mataki' aku matong, iou Tuhan;

MAZMUR 34:10

Uramato' noyo Tuhan, akau ngaangai' ulun Nano, sabap ra ulun ondo' giminagaya' Riso kalo maayawan.

MAZMUR 34:4

Baya' kau raki' mapatulai ra Tuhan, ibok am omporo' takau inggalan Nano.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

RIMBAI PANGAMPARAN 5:6

Ukabin ku ambai kuno ra kulobon, kaa' minugar iono. Moondom aku kaga' ra bolos nano. Uyumon ku io kaa' kalio natuum ku; piawon ku io, kaa' kalo tumaam io.

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

JIRIMIA 29:12

Bagu no gumolok kau Raki'. Matong kau koson makiasi' Raki' am taamon Ku pakiasian min.

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

DANIL 9:3

Aku pana makiasi' toojo ra Tuhan, i Aki Kapuuno', nakimasi' Riso, liliwa' nampali am nambayang ra karung, am niayuk nanturung ra rasawat ru kaau.

MATIUS 21:22

Amon ru mangintopot kau Raki', atan ayuk kitaakon min ra akau makiasi', makaalap kau.”

MATIUS 21:31

Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

MATIUS 6:29

Kaa' balain takamin: Kabalu' pana langkaya' toojo i Raja' Salomo, kalo nakapambayang io koson ra kinoonsoi ru busak ti!

MARKUS 11:24

Ginio ra karaa' min gitio: Paat ra akau makiasi' ri Aki Kapuuno' am makitaak ra atan ayuk, pangintopot kano ra naapu min noyo kitaakon mini, am maaru' aniin kau.

MARKUS 13:37

Ondo' raguon Kuno ramuyun, raguon Ku niayuk ra ngaangai' ulun: Pantataani' min!”

LUKAS 11:10

Sabap ra moonong ulun ondo' makitaak makaalap, ondo' maguyum makatuum am kulobon ukabin ra ulun ondo' manitik.

JUANIS 14:13

Ginio ra atan ayuk kitaakon min ralalom inggalan Kuno, baalon Ku. Maa' raginio i Aki Kapuuno' katulayon ralalom ru Anak Nano.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

JUANIS 15:7

Amon ru rumondon kau Raki' am ragu Ku rumondon ra guang min, pakitaak kau ri Ama' ra atan ak kasagaan min am aniin kau.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

IBRANI 11:6

Kolondo' sangulun pana makapapabansuk ra guang ri Aki Kapuuno' amon ru kalo mangintopot io Riso. Osoi ayuk masaga' mulig ri Aki Kapuuno', musiti' mangintopot galing ra i Aki Kapuuno' totopot soroi am mambalos ra ulun ondo' toojo masaga' mulig Riso.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 5:15

Am pakiasian ondo' mabaya' ra pangintapatan, maalap kapali' maruol ru ulun no; babason ulun no ru Tuhan, am amon ru makatula lair, ampunon io.

1 JUANIS 3:22

Am atan ayuk kitaakon takau intor Riso makaapu takau, sabap ra gumagaya' takau ra susuban Nano am mambaal niayuk ra kaansukan ru guang Nano.

PINAINTALANG 2:24

“Kaa' akau ondo' bokon no ra bandar Tiatira, ondo' kalo minaya' ra pangilaan malaat no am kalo mila' ra kapandayan ru Tingganai ru riwato, balain takamin: kalo boo ruangin Ku kapaganan maagat min.