LUKAS 11:49 - Tanou Moonsoi Timugon

⁴⁹ Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’

LUKAS 11:49 Iomraidhean Croise

JIRIMIA 7:25

Intor ra kinamatuaan min miningkual intor ra Misir saboi ra orou raiti', magail Aku manusub ra ulipon-ulipon Kuli, nabi-nabi minongoi ramuyun.

MATIUS 22:6

am bokon i poyo namparakop ra ulipon-ulipon ru raja', linamba' am pinatoi nilo ulipon-ulipon i.

LUKAS 11:48

Binaal min ti mangiou niayuk ra kandoi ru kinamatuaan mini. Ilo namatoi ra nabi-nabi no am akau mambaal ra lobong nilai!

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 11:27

Paat ragili mokoondo' kukula' ngaulun nabi intor ra Jirusalim minongoi ra Antiokia.

RINALATAN 22:20

Koson niayuk ra bulintok pinatayan ru sasi' Muli i Stipanus, aku galama' nangiou ra io pinatoi am aku poyo nantamung ra bayang ru ulun ondo' namatoi riso.’

RINALATAN 7:57

Kaa' silongo' nilo talingo nilai ra kalindu' liliwa' gogolok, am gabuo' nilo i Stipanus.

RINALATAN 8:3

Kaa' i Saulus mangkinam mamuso risilo. Ginio ra mongoi io ra baloi nilai am ralaaton no ulun-ulun nangintopot am pasubolon no ilo ra lamin pangaputan.

1 KORINTUS 1:24

Tanou raginio ralan ri Aki Kapuuno' mampakito ra kuasa' am kapintaran Nano risilo ondo' mangintopot Riso – iou pana ulun ru Jaudi kapoam sala' ka Jaudi.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

IPISUS 4:11

Io no nangani' ra ulun ra taak; mokoondo' sinauk Nano ra rasul am bokon no nabi; mokoondo' poyo sinauk Nano ra ulun mampasaboi ra Tanou Moonsoi, am bokon no magagalung kapoam mangingila' ra pasimpungan ulun Kristian.

KOLOSI 2:3

I Jisus Kristus noyo ondo' nampasalula' ra ngaangai' kalangkayaan ru kapintaran am kapandayan ri Aki Kapuuno' ra ondo' kalo natutunan ru ulun ra buoi ti.

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.