LUKAS 11:48 - Tanou Moonsoi Timugon

⁴⁸ Binaal min ti mangiou niayuk ra kandoi ru kinamatuaan mini. Ilo namatoi ra nabi-nabi no am akau mambaal ra lobong nilai!

LUKAS 11:48 Iomraidhean Croise

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

AYUP 15:6

Kalo pana mononsol aku rirun; sinonsol kou noyo ru moonong ragu muno galama'.

MAZMUR 64:8

Kaa' pabakison ri Aki Kapuuno' panah Nano risilo, bulintok niayuk raginio majamaran ilo.

YEHEZKIEL 18:19

“Maaru' mangkuot kau kua ra anak no kalo nakinibitan intor ra tula ru ama' nano. Taaman nano iono anak no nambaal ra matimpok am moonsoi. Giminagaya' io ra ukum Kuno am binaal no ra matanda'. Ginio ra maaru' maayag io.

MATIUS 23:27

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Akau koson ra karanda' ondo' sinaat mapulak, ra liwar moonsoi ilain, kaa' ralalom no nososok ra bungul ru ulun am baangkai ondo' mongootong.

MATIUS 23:31

Ginio ra mapandayan ra akau no mogondo' guang ra mamamatoi.

LUKAS 11:47

Mumpara' boo usung mino! Mambaal kau ra lobong ra moonsoi ru nabi-nabi ondo' pinatoi ru kinamatuaan mini.

LUKAS 11:49

Ginio nai kon ru Kapintaran ri Aki Kapuuno', ‘Manusub Aku ra nabi am rasul Kuno mongoi risilo, kaa' sampiruo intor risilo no potoyon nilo am bokon no imboloon!’

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

JAKUBUS 5:10

Pabukat kau ngai', karaa' min noyo nabi-nabi ondo' nampasaboi ra bala' ru Tuhan ra galing i. Mataan guang am noorot nilo paat ra nakatuum ra kaimbalaan. Ilo ti noyo alapon min ra tiluan moonsoi.

JOSUA 24:22

Indagu i Josua risilo, “Akau masauk ra sasi' min galama' ra akau nampili' ra mangandoi ayuk ra Tuhan.” Taam ilo, “Iou. Masauk akai ra sasi'.”