LUKAS 11:44 - Tanou Moonsoi Timugon

⁴⁴ Mumpara' boo usung mino! Koson kau ra lobong kolondo' tatandu' ondo' kinjangin ru ulun kaa' kalo mapandayan nilo.”

LUKAS 11:44 Iomraidhean Croise

MAZMUR 5:9

Iou Tuhan, masuang kaga' pantula' kuno; ilaa' aku mambaal ra kasagaan Muno, am tului' aku ra ralan ondo' musiti' no mauma' kuno.

YEHEZKIEL 39:15

Ralalom ru pangkiralanan no, moonong ra ilo makatuum ra bungul ru ulun, mambaal ilo rondo' tatandu' ra sapapa' ru bungul no, maa' raginio ulun mangkali ra lobong makakito am mompolobong ra bungul no giu' ra Limayak ru Saujor ri Gog.

GOSIA 9:8

Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.

UNTABAN 19:16

Moonong ulun ondo' nangambong ra baangkai ru ulun ondo' pinatoi, kapoam ondo' minatoi ayuk toojo giu' liwar ru baloi, masauk ra majamol ra buoi tulu' ngoorou. Koson niayuk ra ulun ondo' nangambong ra lobong kapoam bungul ru ulun minatoi.

MATIUS 13:32

Unor no boborok kaga' intor ra nansalinut unor ra tana' ti. Kaa' paat ra io tumuu', masauk io maayo toojo intor ra nansalinut puun tonomon ra bokon no. Masauk io ra puun tataun, saboi susuit-susuit rumatong manabunsut ra raan nano.”

RINALATAN 23:3

Taam ri Paulus riso, “Okou po lapison ri Aki Kapuuno', okou ti ulun maabau-abau, koson ra timbok sinaat ra mapulak! Manturung kou ra giu' no manalasai raki' maya' kunu' ra Ukum ri Musa, kaa' okou po niayuk galama' manggal ra Ukum ti ra okou nanusub ra ulun nampalapis raki'!”