LUKAS 11:4 - Tanou Moonsoi Timugon

⁴ Ampuno' noyo tula mai sabap ra akai pana mangampun ra moonong ulun ondo' makatula ramon. Am palabuso' akai no ra pangkinaman.’ ”

LUKAS 11:4 Iomraidhean Croise

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

1 RAJA'-RAJA' 8:34

gama' ru Okou giu' ra suruga', mangkirongog risilo. Ampuno' noyo tula ru ulun Muno, am ibito' noyo ilo sumaguli' ra pagun ondo' taakin Mu ra kinamatuaan nilai.

1 RAJA'-RAJA' 8:36

gama' ru Okou giu' ra suruga', mangkirongog risilo. Ampuno' noyo tula ru raja' am mamagun nano, ulun ru Israil. Mopongo raginio, iou Tuhan, patuuno' noyo rasam ra pagun Muti, ondo' pinataak Mu ra ulun Muno koson ra longgom nilo ra sabuoi-buoi no.

MAZMUR 121:7

Tuhan mangampin ramuyun intor ra nansalinut makalalaa'; magalung Io ramuyun maa' raginio maayag kau.

MAZMUR 25:11

Iou Tuhan, ampuno' aku no sumugut ra bantu' Muli, sabap ra maayo tula kuno.

MAZMUR 25:18

Guango' noyo nansalinut pagon am imbolo' kuno am ampuno' noyo nansalinut tula kuno.

DANIL 9:19

Rongogo' akai no, iou Tuhan, am ampuno' akai no. Rongogo' akai no, iou Tuhan, am imbuor no! Pai' kototoi maa' raginio moonong ulun makapandai ra Okou noyo i Aki Kapuuno'! Bandar am ulun ti longgom Muno.”

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

MATIUS 18:35

Pupus ra tunung, indagu poyo i Jisus, “I Ama' ra suruga' mambaal niayuk ramuyun koson raginio amon ru kalo masaga' kau mangampun ra rangan mino.”

MATIUS 26:41

Ilalai' min am pakiasi' kau koson kalo maratu' kau ra pangkinaman. Sotopot no, ambiluo mino masaga' mambaal ra motopot kaa' kalo magagaya' min sabap ra paliso ru ulun malawo.”

LUKAS 11:5

Pagabig i Jisus ra maamaya' Nano, “Amon ru sangulun intor ramuyun mongoi ra baloi ru rangan ra iotanga' rondom, am mindagu io, ‘Rangan, pairaa' aku talu ngampila' ruti',

LUKAS 13:4

Ati kulaan ra mopor am balu' ngaulun ondo' minatoi giu' ra Siloam ra naabaan ilo ru manara? Guang min pinatayan nilai tatandu' ra masuang tula nilo intor ra ngaangai' ulun ra bokon ondo' soroi giu' ra Jirusalim kia?

LUKAS 22:46

Indagu i Jisus risilo, “Kua pombolong kau? Karat kano am pakiasi', maa' raginio makainggalur kau intor ra pangkinaman.”

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

JUANIS 17:15

Kalo kitaakon Ku Rirun maa' raginio ilo paingkualon intor ra tana' ti, kaa' alungin Mu ilo intor ri Malaat no.

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

KOLOSI 3:13

Pai' kano kataki' sumangit ra rondo' am bokon am ampuno' noyo amon ru mokoondo' sumonsol ra ulun bokon. Mogondo' ra Tuhan nangampun noyo ramuyun, moonsoi ru akau pana mangampun ra rondo' am bokon.

2 TISALONIKA 3:3

Kaa' Tuhan no totopot malansanan. Mampaikang am magalung Io ramuyun intor ra kalaatan.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.