LUKAS 11:34 - Tanou Moonsoi Timugon

³⁴ Mato muno koson ra lampung ru inan muno. Amon ru mato muno moonsoi, ngaangai' inan muno matawangan ru sinda no. Kaa' amon ru mato muno malaat, ngaangai' inan muno molondom.

LUKAS 11:34 Iomraidhean Croise

KASAUKAN 19:11

Bolowo' nilo mato ru ngaangai' ulun ondo' soroi ra liwar no saboi kalo boo mauyum nilo angob ru baloi no.

MAZMUR 119:18

Singkirato' mato kutu maa' raginio makakito aku pangilaan ra makaimuag ralalom ru ukum Muno.

MAZMUR 81:12

Kaa' ulun Kuno kalo mangkirongog ra ragu Kuno; Israil kalo gumagaya' Raki'.

AMSAL 21:4

Ulun malaat makatula sabap ra kinuasa' ru limbau ru guang am mamanggo.

AMSAL 28:22

Ulun makalit mampaguang ra mataki' lumangkaya'. Kalo malimanan no ra kamusikinan mataki' makalumpa' riso.

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 42:19

Mokoondo' poyo kia ulun nobolou poyo ra bokon ka ulipon Kuno, kapoam barat poyo ka ulun sinusub Kuno?

JISAYA 44:18

Ulun koson raginio sasambungon toojo. Kumorom ilo am siliin nilo guang saboi kolondo' atan-atan pangaratian nilo.

JISAYA 5:20

Aibui boo ramuyun! Pantalikaron min ondo' moonsoi am niayuk ondo' malaat, ondo' molondom am niayuk ondo' matawang, am niayuk ondo' mapait am ondo' matamis.

JISAYA 6:10

Indagu Io boo raki', “Ngongolo' pangkaraan ru ulun ti, barato' talingo nilono am bolowo' mato nilono maa' raginio kalo makakito ilo, kapoam mokorongog, kapoam makarati'. Amon kalo koson raginio, maaru' lair sumaguli' ilo Raki' am babason.”

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

MARKUS 4:12

maa' raginio: ‘Magilong ilo pana, kalo mauligan; mangkirongog ilo pana, kalo mapandayan, maa' raginio kalo sumaguli' ilo ri Aki Kapuuno' am ampunon.’ ”

MARKUS 7:22

lumapau, kumaluluung, mambaal ra makauyuyu', mamparuung, mangusolon, manimbaal ra ragu, malilimbau, bungas am atan ayuk kalaatan.

MARKUS 8:18

Makamato kau! Kalo kia makakito kau? Makatalingo kau! Kalo kia mangkirongog kau? Kalo boo kia makara' min,

LUKAS 11:35

Ginio ra ilalai', pai' masaboi sinda ru inan muno lumondom!

RINALATAN 13:11

Ilai' raino, ukumin kou ri Aki Kapuuno'. Moolou kou am kalo makakito kou mato ru orou ra kukula' buoi!” Paat ragili niayuk nalimanan ri Ilimias ra mokoondo' nanili ra mato nali, saboi kakakama' no ayuk boo mugar am makikitang io ra ulun.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

IPISUS 6:5

Ulipon kau ngai', gagaya' am urumato' noyo tuan mino; gagayaa' min ilo toojo koson ayuk gumagaya' kau ri Kristus.

KOLOSI 3:22

Ulipon kau ngai', moonsoi ru gagaya' kano ra tuan mino ra atan ayuk kondoyon min. Sala' ka gumagaya' ayuk paat ra akau tamungin, koson makiompor kau ak risilo. Kaa' gagaya' kano toojo risilo mogondo' ra akau gumagaya' toojo ra Tuhan.