LUKAS 11:29 - Tanou Moonsoi Timugon

²⁹ Tatanga' ru ulun masuang liminimpu ri Jisus, tungguli' No ragu Nali, “Mumpara' boo laat ru ulun ra raiti'! Mompogogot ilo ra kaimuagan. Kolondo' rondo' pana kaimuagan taakin risilo kaa' kaimuagan intor ri nabi Junus ayuk.

LUKAS 11:29 Iomraidhean Croise

YEHEZKIEL 24:24

Paat raginio masauk aku ra tatandu' ra tayar min. Baalon min atan ondo' baalon ku raino. Mindagu Tuhan ra paat masauk baal raginio, makapandai kau ra Io noyo Tuhan Raja'.”

JUNUS 1:1

Paat ra sangarawan, indagu Tuhan ri Junus anak ri Amitai.

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

MARKUS 8:38

Sabap ra osoi ayuk mauyu' mangiou Raki' am pangilaan Kuno ra tatanga' ru ulun ondo' kalo boo mangintopot am makatula ti, Anak ru Ulun pana mauyu' mangiou ra ulun raginio paat ra Io matong ralalom katulayan ru Ama' Nano, sumbayaan ru malaikat-malaikat ondo' matulai.”

LUKAS 11:16

Mokoondo' ulun ra bokon i masaga' mangkinam ri Jisus. Susubo' nilo i Jisus mambaal ra kaimuagan koson tatandu' ra iniou Io ri Aki Kapuuno'.

LUKAS 11:50

Ginio boo ra ulun ra raiti' ukumin sabap ra namatayan ra ngaangai' nabi intor ra tana' ti binaal.

LUKAS 12:1

Liliwa' ra kukula' ngaribu ngaulun nagigisok, saboi mangakinjangan nilo kalayam ru rondo' am bokon, indagu galing i Jisus ra maamaya' Nano, “Ilalai' min pangilaan ru ulun-ulun ru Parisi, ioginio pagabawan nilai.

LUKAS 9:41

Taam i Jisus, “Akau ti toojo kalo mangintopot am nakalayau! Kalo boo tumaan Aku sumimpung ramuyun!” Indagu boo i Jisus ra ama' ru lalaing no, “Ibito' lalaing muno ragiti!”

JUANIS 2:18

Tingganai ru ulun ru Jaudi no minanggal Riso, konilai, “Atan kia kaimuagan saukon Muno koson mampainono' ra makakuasa' Kou mambaal ragitio?”

JUANIS 6:30

Ginio ra pangkuot ilo Riso, “Atan kaimuagan baalon Muno, maa' raginio makapangintopot akai Rirun? Ati kia rondo' baalon Muno?

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

1 KORINTUS 1:22

Ulun Jaudi kumakikito ra kaimuagan koson inono' nilo, am ulun ru Junani mangkara' ayuk ra kapintaran ru tana' ti.