LUKAS 11:13 - Tanou Moonsoi Timugon

¹³ Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”

LUKAS 11:13 Iomraidhean Croise

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

MAZMUR 51:5

Iowon ku nasalaan kuno; masalok ku matutunan tula kuno.

AMSAL 1:23

Iningo' min aku mangila' ramuyun. Pinsanin takamin, am mantayar ramuyun ra katutunan kuno.

JISAYA 49:15

Tuhan tumaam, kon No, “Makalilian kia sangulun ina' ra anak nano? Kabalu' pana malilianan no, Kalo lilianin Tokou!

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

MATIUS 6:14

Amon ru ampunon min tula ru ulun ondo' makatula ramuyun, Ama' min giu' ra suruga' pana mangampun ra tula mino.

MATIUS 6:30

Amon ru koson poyo raginio i Aki Kapuuno' namaramai ra limayak no ra sakot, ondo' mokoondo' ra orou raiti' am susuab solobon ralalom ru rapuan, sala' ka kia ramayon kau toojo ri Aki Kapuuno'? Topot-topot kalo maikang pangintapatan mino!

MATIUS 6:32

Baal koson raginio noyo masalok karaan ru ulun ondo' kalo makatutun ri Aki Kapuuno'. I Ama' mino giu' ra suruga' nakapandai ra kitaakon mino ra ngaangai' raginio.

MATIUS 7:11

Kabalu' pana malaat kau, mapandai kau niayuk mangani' ra moonsoi ra anak mino. Ama' min giu' ra suruga' pana masaga' mangani' ra moonsoi no ramuyun amon ru makitaak kau.

LUKAS 11:12

Kapoam mangani' ra lingait amon ru makitaak io ra talu'!

LUKAS 11:2

Indagu i Jisus risilo, “Pakiasi' kano ri Aki Kapuuno' koson ragitio, ‘Ama', omporon inggalan Muno. Gama' ru Okou mamarinta giti ra tana' ti.

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

ROMA 5:17

Motopot, mansail ra tula ru sangulun i, ngaangai' ulun minatoi sabap ra sangulun i, kaa' mulu' poyo sonor ru binaal ru sangulun ra bokon, Io no i Jisus Kristus. Mansail Riso noyo boo, ngaangai' ondo' mangapu ra barakat ri Aki Kapuuno' ondo' kalo mauntob am ra taak Nano, ilo mobonsoi saguli' Riso am maayag am mamarinta ilo sabap ri Kristus.

ROMA 7:18

Ginio ra kolondo' moonsoi soroi ra guang kutu, ioginio paliso kuno ra ulun. Sabap ra iou pana masaga' aku mambaal ra moonsoi, kalo makapambaal aku.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.