LUKAS 10:39 - Tanou Moonsoi Timugon

³⁹ I Marta ti mokoondo' sangulun pongkotob ra ruandu' makainggalan ri Maria. Nanturung i Maria ra tuma' ru kalayam ru Tuhan Jisus mangkirongog ra pangilaan Nali.

LUKAS 10:39 Iomraidhean Croise

2 RAJA'-RAJA' 4:38

Paat ra sanganuan, paat ra bitilan nasauk giu' ra titikop ru pagun no, minuli' i Ilisa ra Gilgal. Liliwa' ra io mangila' ra sampulalai nabi, panusub io ra ulipon nano mangansak ra akanon ra ralalom ru sampagangan ra maayo risilo.

AMSAL 8:34

Pakaansuk noyo ulun ondo' mangkirongog raki', ondo' moonong orou manturung maginaa ra kulobon ru baloi kuno, am ondo' maginaa ra garabang ru baloi kuno.

LUKAS 10:42

Kaa' sotopot no rondo' ayuk maaru' baalon muno. Ondo' pinili' ri Maria ti motopot, am tumilayun ginio riso.”

LUKAS 2:46

Kataluan ilo naguyum am bagu katuum nilo Io ralalom ru Baloi Tuhan. Nanturung i Jisus ra giu' no mangkirongog am mangkuot ra mangingila' ra ugama Jaudi.

LUKAS 8:35

Ongoi boo ulun masuang no ilong ra atan ondo' nasauk i. Pakasuku' ilo ra giu' i, kakito nilo ungkuyon ondo' sinubol ru riwato ra raitii' ni. Nanturung io ra tuma' ri Jisus, nambayang am niayuk matanda' io. Nalaa' ilo ngaangai'.

JUANIS 11:1

Mokoondo' sangulun ungkuyon makainggalan ri Lajarus ondo' marualan. Io ti intor ra pamagunan Bitania am pagaka' io ri Maria am i Marta. I Maria ti noyo ondo' nampabuur ra umau maamis owou ra kalayam ru Tuhan, am piiri' no ra abuk nali.

JUANIS 11:19

Masuang ulun ru Jaudi minongoi panimayo ri Maria am i Marta sabap ra pinatayan ru pagaka' nilai, i Lajarus.

JUANIS 12:3

Alapo' boo ri Maria sambutul umau maamis owou narwastu ondo' mologo kaga' makasuang satanga' ngalito. Pabuuro' no ra kalayam ri Jisus, am piiri' no ra abuk nali. Maalok boo owou ru umau i ra ngaangai' intok ru baloi i.

RINALATAN 22:3

“Ulun aku toojo ru Jaudi. Intor aku ra bandar Tarsus ra pagun Kilikia, kaa' giti ayuk ra Jirusalim ti nasukaran kuno am minigigila' aku ri Gamalil. Inila' aku toojo ra Ukum ri Musa ru kinamatuaan takau am patimpokon ku kaayagan kuno ri Aki Kapuuno' nogondo' ra akau ngaangai' ra orou raiti'.

SAGULION 33:3

Motogom Tuhan ra ulun Nano; Mangampin Io ra ngaangai' ulun ondo' masauk ra longgom Nano. Ginio sabap ra kumubu takau ra saang Nano, am gumagaya' ra susuban Nano.