LUKAS 10:27 - Tanou Moonsoi Timugon

²⁷ Taam ulun i, “ ‘Tagami' noyo Tuhan i Aki Kapuuno' muno, ra ngaangai' ru guang muno, saliguor muno, ikang muno am pangkaraan muno’; am ‘Tagami' noyo ulun ra bokon koson okou niayuk monogom ra kaayagan muno galama'.’ ”

LUKAS 10:27 Iomraidhean Croise

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

MATIUS 19:19

Urumato' matuo muno; tagami' noyo ngaangai' ulun koson ra kaayagan muno galama'.”

LUKAS 10:26

Taam i Jisus, “Atan kon ru Buuk Kitab? Atan pamaguangan muno raginio?”

ROMA 13:9

Sabap ra kon ru Ukum no, “Pai' lapau, pai' pampatoi, pai' pantakou am pai' pagingkaut” – ngaangai' raginio am ukum ra bokon niayuk pinogondo' ayuk ra rondo' susuban ti, ioginio, “Tagami' noyo ulun ra bokon koson ra okou galama' mitogom.”

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

SAGULION 10:12

“Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

SAGULION 6:4

“Karaa' noyo, Israil kau ngai'! Tuhan – am rondo' ayuk Tuhan – iono i Aki Kapuuno' takau.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

JAKUBUS 2:8

Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.”

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.