LUKAS 10:2 - Tanou Moonsoi Timugon

² Indagu i Jisus risilo, “Kumoson no mauli' kaga' kaa' ulun mangkukumos no kalo masuang. Pakiasi' kano ri Aki Kapuuno' ondo' tatangan ra kumoson ti koson manusub Io poyo ra ulun mangkumos ra umo no.

LUKAS 10:2 Iomraidhean Croise

1 RAJA'-RAJA' 18:22

I Ilia pana mindagu, “Nabi ru Tuhan soroi aku ayuk sangulun, sotopot no nabi ru Baal mokoondo' apat ngaatus am limo ngoopor ngaulun.

MAZMUR 68:11

am ulun Muno mayan ra giu'; ralalom kinoonsoi Muno, alungin Mu ulun musikin.

JIRIMIA 3:15

Mangani' Aku ramuyun ra tingganai-tingganai ondo' gumagaya' Raki'. Maningganai ilo ramuyun ra kapintaran am pangaratian.

JAKARIA 11:17

Kaulas noyo magagalung ondo' kolondo' onong no! Nangiruan io ra domba sampanon nano. Pangayawan mamupus ra kuasa' nano. Kalindu' nano lumawo am mato pamiris nano moolou.”

JAKARIA 11:5

Ulun-ulun tatangan ra domba nanimbalui ra sampanon ru domba no kaa' kalo ukumin ilo; nantalan ilo ra kual ru domba no am indagu, ‘Koompor noyo Tuhan! Langkaya' akai!’ Magagalung-magagalung no kalo makaasi' ra domba tinambiag nilo.”

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

UNTABAN 11:29

Taam i Musa, “Mangkara' kou kia ra baal kutu? Malansan aku kaga' ra manaak Tuhan ra Ambiluo Nano ra ngaangai' ulun Nano, am mambaal risilo ngaangai' mampiau koson ra nabi!”

MATIUS 20:1

“Paat ri Aki Kapuuno' mamarinta, baal no koson sangulun tatangan ra umo ru anggur. Rumondom io mingkual maguyum ra mangngandoi ra umo nano.

MARKUS 13:34

Sauk nano koson ra sangulun mugar ra maalur, ondo' mangiruan ra baloi nano am paalungin no ra ulipon-ulipon nano. Sigagama' inanian no ra kondoyon, am nambilin io ra ulun magagalung ra kulobon ra ilalain toojo.

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

MARKUS 16:20

Ilo pana ugar mampabala' ra Tanou Moonsoi ra ati-ati ayuk, am Tuhan maya' pangandoi am mampainono' ra tanou no motopot ralalom ru tatandu' ondo' binaal nilo.] [

LUKAS 9:1

Piawo' ri Jisus mopor am ruo ngaulun maamaya' Nano. Anii' No ilo ra kapandayan am kuasa' mampagiru' ra riwato am mamabas ra ulun marualan.

RINALATAN 11:19

Kopongo i Stipanus pinatoi, ulun ondo' nangintopot ri Jisus nakapantutuliar ra ati ayuk intok sabap ra inimbolo' ilo. Mokoondo' nagiru' ra Pinisia, Siprus am Antiokia am nampasaboi ilo ra pambalaan intor ri Aki Kapuuno' ra ulun ru Jaudi ayuk.

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 13:4

Pakapanusub ayuk Ambiluo ri Aki Kapuuno' risilo, ongoi i Barnabas am i Saulus ra Siliukia. Intor ra giu' i siminundoi ilo ra pulu' Siprus.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 8:4

Ulun-ulun nangintopot ondo' nantutuliar minongoi ra ati ayuk intok am nampasaboi ilo ra Tanou Moonsoi ra ati ayuk kasukuan nilo.

1 KORINTUS 12:28

Ralalom pasimpungan ulun Kristian, nangaru' i Aki Kapuuno' ritakau ra tayar sigagama'; kasaa' am rasul; karuo am nabi-nabi; katalu am mangingila'; am ilo ondo' mambaal ra kaimuagan, am niayuk ilo ondo' inanian ra kapandayan mamabas ra ulun, mangindangan ra ulun, maningganai ra ulun, kapoam mindagu ra nansalinut ragu imuagan.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

PILIPI 2:21

Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.

PILIPI 2:25

Kaa' koson ra pabukat takau i Ipaproditus ondo' sinusub min mamparangan raki' koson mangindangan ra kandoi kutu, sumugut ra pamaguangan kuno moonsoi atarin ku io saguli' ramuyun.

PILIPI 2:30

Sabap ra kandoi nano ri Kristus nampataak io ra painawo nali am mamaar io matoi, koson mangindangan io raki' ondo' akau galama' kalo makakaluagan mambaal.

KOLOSI 1:29

Koson mampasingkot ra kandoi raginio, sumingkotog aku toojo. Maayo toojo kuasa' ri Kristus ondo' mabaya' ra kandoi kutu.

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

1 TISALONIKA 5:12

Pabukat ku ngai', makitaak akai ra urumaton min noyo ilo ondo' mirot mangandoi koson ra kaatangan min, sabap ra pinili' ilo no ru Tuhan koson maningganai am magalung ramuyun.

2 TISALONIKA 3:1

Pupus ti, pabukat ku ngai' pakiasi' kano ramon ra Tuhan, maa' raginio bala' ru Tuhan mataki' makatanou am apuon mabaya' ra urumat, mogondo' koson ra intok min ragili.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

2 TIMOTIUS 4:5

Kabalu' koson raginio, okou Timotius musiti' guangon mu toojo atan ayuk ondo' baalon muno. Oroton ayuk ra okou imboloon. Paugaro' noyo kandoi muno koson mampasaboi ra Tanou Moonsoi ti am pongoono' noyo ngaangai' ondo' pinalansan rirun koson ra sangulun ulipon ri Aki Kapuuno'.

PILIMON 1:1

Aku i Paulus ondo' inaput sabap ra pampatanawan kuno ri Jisus Kristus. Am intor niayuk ra pabukat takau i Timotius. Okou ti Pilimon papasabayan ku ra surat ti, okou ondo' tagamin mai am niayuk rangan mai mangandoi.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

PINAINTALANG 2:1

“Tulisi' koson ragitio ra malaikat ru pasimpungan ulun Kristian ra bandar Ipisus: Gitio noyo bilin intor Riso ondo' mampaguut ra tulu' butitin ra kalindu' pamiris Nano, ondo' mugar ra tatanga' ru tulu' tampakan ra lampung mas.