LUKAS 1:9 - Tanou Moonsoi Timugon

⁹ Sumugut ra pampilian, ondo' masalok baalon ru imam-imam, napili' io sumubol ra Baloi Tuhan am monolob ra kaminyan.

LUKAS 1:9 Iomraidhean Croise

1 TUNUNG RU BANSA' ISRAIL 23:13

Anak katuaan ri Kigat, iono i Amram, iono ama' ri Arun am i Musa. (Koson ra sabubuoi no, i Arun am papag nano linili' koson manalingapu ra kuliamos ru sambayang, monolob ra kaminyan ra Tuhan, mangandoi ayuk Riso, am mambarakat ra mamagun ralalom inggalan ru Tuhan.

1 TUNUNG RU BANSA' ISRAIL 6:49

I Arun am papag nano pinangandoi monolob ra kaminyan, am mampataak ra taak simbalui ondo' solobon giu' ra rasawat ru altar. Ilo niayuk pinangandoi mampaugar ra ngaangai' upacara sambayang giu' ra Lamin Matulai Kaga' am mampataak ra taak-taak simbalui maa' raginio i Aki Kapuuno' mangampun ra tula ru ulun ru Israil. Ngaangai' ru kandoi no binaal nilo sumugut ra nanuluan ondo' tinaakan ri Musa, ulipon ri Aki Kapuuno'.

2 TUNUNG RU BANSA' ISRAIL 26:16

Kopongo Raja' Ujia nasauk ra maikang, nasauk io ra malilimbau; limbau nano nangkinibit ra naratuan nano. Inanggal ru Raja' Ujia susuban ru Tuhan, i Aki Kapuuno' nano sabap ra sinolob no kaminyan giu' ra rasawat ru altar kaminyan giu' ra Baloi ru Tuhan.

2 TUNUNG RU BANSA' ISRAIL 29:11

Akau anak ku ngaangai', pai' no kalibut. Akau no ondo' pinili' ru Tuhan koson monolob ra kaminyan Riso, am niayuk maningganai ra mamagun koson sumamba Riso.”

UNTABAN 16:40

Taub no nasauk ra papakaraan ra ulun ru Israil ra kolondo' sangulun pana ondo' ayuk am papag ri Arun makainggaar ra altar monolob ra kaminyan ra Tuhan. Ulun ondo' manggal ra aturan no matoi koson ri Kora am ngaangai' maamaya' nano. Ngaangai' no binaal sumugut ra susuban ru Tuhan ri Iliajar ra pinasaboi galing ri Musa.

MATIUS 27:5

Papatiro' ri Judas ruit no ra ralalom Baloi Tuhan am iruani' no ilo. Ugar io boo am ongoi sigot pantuwo.

IBRANI 9:6

Nakatampos noyo ngaangai' ti. Moonong orou mumpos imam-imam ra lamin ra saang ru kim no koson mampaugar ra kandoi nilono.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.