LUKAS 1:8 - Tanou Moonsoi Timugon

⁸ Paat ra sangarawan, i Jakaria nampaugar ra kandoi nano koson ra imam ra saang ri Aki Kapuuno', maya' ra paat ru tayar Abia no.

LUKAS 1:8 Iomraidhean Croise

1 TUNUNG RU BANSA' ISRAIL 24:19

Inggalan ru ngaangai' ulun no tinulisan minaya' ra paat nilo sumubol ra Baloi ru Tuhan am mampaugar ra kandoi ru sambayang ondo' inaru' ri Arun, kinamatuaan nilai, sumugut ra susuban ru Tuhan, i Aki Kapuuno' ru Israil.

2 TUNUNG RU BANSA' ISRAIL 11:14

Ulun ru Liwi nangiruan ra padang sakot nilo am tana' ra bokon, am minanding ilo ra Jiuda am Jirusalim, sabap ra Raja' Jirobiam ondo' namarinta ra Israil am raja'-raja' ondo' minalit riso kalo nangiou risilo mangandoi koson ra imam ru Tuhan.

2 TUNUNG RU BANSA' ISRAIL 31:19

Giu' ra bandar-bandar am giu' ra padang ru sakot ondo' giu' ra liliut ru bandar-bandar no, ondo' inaru' ra tayar ru papag ri Arun, mokoondo' imam ondo' linansanan toojo koson mantayar ra akanon ra ngaangai' ungkuyon intor ra sasambaloi ru imam, am ngaangai' ulun ondo' tinulisan inggalan ralalom bansa' ru Liwi.

2 TUNUNG RU BANSA' ISRAIL 31:2

Raja' Gijkia nambaal saguli' ra pulalai ru imam-imam am ulun-ulun ru Liwi. Moonong pulalai inanian ra kandoi ra inaru', nakaaya' kandoi monolob ra taak simbalui koson mapabansuk ra guang ru Tuhan am mampataak ra taak simbalui koson makibarakat ra Tuhan, maya' ralalom ru upacara sambayang giu' ra Baloi ru Tuhan, am mongompor am niayuk maringkuanang giu' ra kukula' intok ra ralalom Baloi ru Tuhan.

2 TUNUNG RU BANSA' ISRAIL 8:14

Sumugut ra kaulayan ondo' inaru' ru Raja' Daut, ama' nali, Raja' Salomo nangaru' ra kandoi moonong orou tayar ru imam-imam am ulun-ulun ru Liwi ondo' mangindangan ra imam marimbai ra rimbai-rimbai mazmur, am niayuk mangindangan ralalom kandoi ru imam. Raja' Salomo niayuk nampatampos ra pulalai ru ulun magalung ra Baloi ru Tuhan ra kandoi moonong orou nilo giu' ra moonong kulobon garabang, sumugut ra susuban ru Raja' Daut, ulipon ri Aki Kapuuno' no.

IJRA 6:18

Ilo niayuk nanampos ra kandoi ru imam-imam am ulun ru Liwi giu' ra Baloi ru Tuhan giu' ra Jirusalim, sumugut ra aturan ondo' tinulisan ralalom ru Kitab ri Musa.

KAINGKUALAN 28:1

“Piawo' noyo maayo muno i Arun am anak ungkuyon nano i Nadab, Abigu, Iliajar am i Itamar. Timpokon ilo intor ra popolos ulun ru Israil, maa' raginio mangandoi ilo Raki' koson ra imam.

KAINGKUALAN 28:41

Pabayangon bayang raginio ri Arun am anak-anak nano. Patimpokon am palilion ilo boo Raki' ra mangumau risilo ra umau jaitun, maa' raginio mangandoi ayuk Raki' koson ra imam.

KAINGKUALAN 29:1

“Gitio noyo ondo' matanda' muno baalon koson patimpokon i Arun am anak-anak nano maa' raginio makapangandoi Raki' ayuk koson ra imam. Alap ra sanginan anak sapi' gawayan am ruo ngainan anak domba gawayan ondo' kalo najamaran.

KAINGKUALAN 29:44

Mapakapasau Aku ra Kim am altar no, am patimpokon Ku i Arun am anak-anak nano koson mangandoi Raki' ayuk koson ra imam.

KAINGKUALAN 29:9

pogoboton ilo niayuk ra abot, am pansigalon ilo. Ginio noyo ralan muno ra patimpokon i Arun am anak-anak nano. Musiti' ilo am papag nilo mangandoi Raki' ayuk koson ra imam ra sabuoi-buoi no.

KAINGKUALAN 30:30

Paumawon umau upacara no ri Arun am anak-anak nano maa' raginio patimpokon ilo ra imam koson mangandoi Raki' ayuk.

UNTABAN 18:7

Kaa' okou am anak-anak ungkuyon muno ayuk pambaalon ra ngaangai' kandoi toojo ru imam ondo' makakulawit ra altar am atan pana ondo' giu' ralalom ru Lamin Matulai Kaga'. Ngaangai' baal raginio pinakandayan rirun, sabap ra nanaak Aku noyo rirun ra kandoi ru imam. Osoi ayuk ondo' kolondo' kuasa' mapaugar ra kandoi raginio ukumin ra matoi paat minggaar ra kuliamos-kuliamos mapasau.”

LUKAS 1:5

Paat ra i Irodis raja' ru Judia, mokoondo' sangulun imam Jaudi makainggalan ri Jakaria. Io sangulun papag ru imam Jaudi, tayar ru Abia. Inggalan ru andu' nano am i Ilisabit, am niayuk papag ru imam.

LUKAS 1:7

Kaa' kolondo' anak nilo sabap ra i Ilisabit ti tabanang am matutuo ilo no karuruo.