LUKAS 1:73 - Tanou Moonsoi Timugon

^73-74 Nagibot am nambantu' Io ri Abragam, kinamatuaan takali, mamayag Io ritakau intor ra pantula' takano, maa' raginio makakau' takau mangandoi Riso,

LUKAS 1:73 Iomraidhean Croise

KASAUKAN 24:7

Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

MAZMUR 105:9

nabantuan ra binaal Nano ri Abragam, am bantu' Nano ri Isak,

JIRIMIA 11:5

Amon ru baalon nilo ngaangai' no, suguton Ku bantu' Kuno ra kinamatuaan nilai ra pagun ondo' malabung am langkaya', ondo' raino inayanan nilo, pataakin Ku risilo.” Taam Aku, “Iou noyo Tuhan.”

SAGULION 7:12

“Amon mangkirongog kau ra ukum ragitio am baalon min ra gagaya', rumayus boo Tuhan i Aki Kapuuno' min manugut ra nabantuan ondo' binaal Nano ramuyun am mapakito ra togom Nano ramuyun, koson ondo' binantu' Nano ra kinamatuaan mini.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

IBRANI 6:13

Paat ri Aki Kapuuno' nangani' ra bantu' ri Abragam, nagibot Io ra atan ondo' baalon Nano totopot masauk. Kolondo' sangulun pana maayo kuasa' intor Riso, ginio ra inggalan Nano ayuk galama' inalap Nano ra Io nagibot i: