LUKAS 1:71 - Tanou Moonsoi Timugon

⁷¹ koson mamayag ritakau intor ra pantula' takano, am niayuk intor ra kuasa' ru ulun mangasisang ritakau.

LUKAS 1:71 Iomraidhean Croise

2 RAJA'-RAJA' 17:39

kaa' samba kano Raki', Tuhan, i Aki Kapuuno' min, mamayag Aku ramuyun intor ra pantula'.”

MAZMUR 106:10

Koson raginio bayagon No ulun Nano intor ra kalindu' ru pantula' Nano, am mapalabus risilo intor ra kuasa' ru pantula' nilono.

MAZMUR 106:47

Bayago' akai no, iou Tuhan, i Aki Kapuuno' mai, am ibito' akai no muli' intor ra bansa'-bansa', maa' raginio maringkuanang akai, am mongompor ra inggalan Muno ondo' matulai.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

YEHEZKIEL 28:26

Mayan ilo ra giu' ra moonsoi. Manambaloi ilo am manangumo ra anggur. Ukumin Ku ngaangai' pasambalayan nilo ondo' igondo' nagasab risilo, am Israil maayag ra moonsoi. Makapandai ilo boo ra Aku noyo Tuhan, i Aki Kapuuno' nilo.”

YEHEZKIEL 34:25

Makimabantu' Aku risilo ondo' makapamayag risilo. Unjawon Ku ngaangai' bibiag masigo intor ra pagun no, maa' raginio domba-domba Kuno maayag ra matanda' giu' ra padang am mombolong giu' ra kataunan.

YEHEZKIEL 34:28

Bansa'-bansa' ondo' kalo nakaulig Raki' kalo boo mongoi pantakou ra ulun Kuno, am bibiag masigo pana kalo mamatoi am mangakan risilo. Moonsoi kaayagan nilo, am kolondo' osoi pana mampalalaa' risilo.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

LUKAS 1:68

“Omporo' takau no i Aki Kapuuno', Tuhan ru ulun ru Israil, sabap ra minatong Io mangindangan am mampalabus ra ulun Nano.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.