LUKAS 1:69 - Tanou Moonsoi Timugon

⁶⁹ Nanusub Io ra Mamamayag ondo' maikang matong ritakau, intor ra papag ru raja' Daut, ulipon Nali.

LUKAS 1:69 Iomraidhean Croise

2 SAMUIL 22:3

I Aki Kapuuno' kuno intok sindungan kuno, maayag aku mabaya' Riso. Manindung Io raki' koson ra perisai; manaung am magalung Io raki' maa' raginio maayag aku. Io mamamayag kuno; Io manindung raki' am mamayag raki' intor ra kalaatan.

2 SAMUIL 7:26

Inggalan Muno matulai am koson ra sabuoi-buoi no ulun mindagu, ‘Tuhan Ondo' Maayo Kaga' Kuasa' iono i Aki Kapuuno' ru ulun ru Israil!’ Ginio ra tutunon Mu maa' raginio sangulun intor ra papag kuno mamarinta koson ra raja' ru bansa' ragitio koson mantilayun.

1 RAJA'-RAJA' 11:13

Kalo mangalap Aku ra titikop ru pamarintaan no intor riso; manaak Aku riso ra sampiapat sabap ra ulipon Kuli i Daut am sabap ra Jirusalim, bandar ondo' pinili' Kuno masauk ra longgom Kuno.”

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 89:17

Monsongorou ilo maansukan, am mongompor Rirun sabap ra kinoonsoi Muno.

MAZMUR 89:3

Nakapandai aku ra togom Muno mantilayun, am gagaya' Muno mapiot koson ra limbowon.

JIRIMIA 30:9

Mangandoi kau ayuk Raki', Tuhan, i Aki Kapuuno' min, am mangandoi ayuk ra sangulun papag ri Daut ondo' lantikon Ku ra raja'.

YEHEZKIEL 29:21

Paat ra masauk baal raginio, saukon Ku ulun ru Israil ra bansa' ondo' maikang. Baalon Tokou Yehezkiel, mindagu risilo, maa' raginio makapandai ilo ra Aku noyo Tuhan.”

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

MATIUS 1:1

Gitio noyo suang ru papag ri Jisus Kristus. I Jisus no papag ru raja' Daut, am i Daut papag ri Abragam. Intor ri Abragam suku' ri Daut gitio noyo inggalan ru kinamatuaan ri Jisus:

MARKUS 11:10

Kabarakat noyo pamarintaan Nano ra orou matong no – pamarintaan ru raja' Daut kinamatuaan takau! Omporo' noyo i Aki Kapuuno'!”

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”

1 SAMUIL 2:1

Kopongo raginio pakiasi' i Ana, “Napakaansuk Tuhan no ra guang kutu; mapara' boo bansuk kutu, sabap ra atan ondo' binaal Nano raki'. Raino kuritin ku pantula' kuno; mapara' boo bansuk kuno sabap ra nangindangan noyo i Aki Kapuuno' no raki'.

1 SAMUIL 2:10

Pantula'-pantula' ru Tuhan mapuso; maningkalur Io intor ra limbowon koson gumula' risilo. Mangakim Tuhan no ra titikop ru tana' ti; Manaak Io ra kuasa' ra raja', am manaak ra kamanangan ra raja' pilion Nano.”