LUKAS 1:6 - Tanou Moonsoi Timugon

⁶ Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

LUKAS 1:6 Iomraidhean Croise

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

KASAUKAN 6:9

Gitio noyo tunung ri Nuu: Makaanak ungkuyon io talu ngaulun, i Siim, Japit am i Gam. Kalo igondo' i Nuu nambaal ra sala am io noyo rorondo' moonsoi kaga' paat ragili. Io ti masalok sumimpung ri Aki Kapuuno',

KASAUKAN 7:1

Indagu boo Tuhan ri Nuu, “Ilain Ku ra okou ayuk rorondo' ondo' sumugut ra susuban Kuno. Ginio ra subol kano ralalom ru kapal no mabaya' ra akau ngaangai' sasambaloi.

1 RAJA'-RAJA' 15:5

Binaal ru Tuhan ginio sabap ra Raja' Daut napabansuk ra guang Nano. Kalo igondo' Raja' Daut no anggal ra susuban ru Tuhan, ondo' ayuk am ralalom ru baal ri Uria, ulun ru Git no.

1 RAJA'-RAJA' 9:4

Amon ru mangandoi kou ayuk Raki' ra topot-topot ru guang koson ra ama' muli i Daut, am amon ru gumagaya' kou ra ukum-ukum Kuno am niayuk mambaal ra ngaangai' ondo' nanusuban Kuno rirun,

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

2 TUNUNG RU BANSA' ISRAIL 17:4

Nangandoi io ayuk ri Aki Kapuuno' ru ama' nano, giminagaya' ra susuban ri Aki Kapuuno', am kalo naayag koson ra raja'-raja' ru Israil.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 1:8

Indagu Tuhan, “Inurio mu kia i Ayup, ulun ondo' mangandoi ayuk Raki'? Giti ra titikop ru tana' ti kolondo' ulun ondo' totopot gumagaya' kaga' am moonsoi koson riso. Sumambayang io Raki' am totopot pagilalain no maa' raginio kalo mambaal ra malaat.”

AYUP 9:2

“Iou, nokorongog aku noyo ra ngaangai' no ragili. Kaa' ati kulaan kia ra ulun mamanang ralalom ru baal nano ri Aki Kapuuno'?

MAZMUR 119:6

Amon guangon ku ngaangai' panusuban Muno, kalo boo tauyuon aku.

LUKAS 1:7

Kaa' kolondo' anak nilo sabap ra i Ilisabit ti tabanang am matutuo ilo no karuruo.

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

LUKAS 2:25

Paat ragili giu' ra bandar Jirusalim mokoondo' sangulun ungkuyon, makainggalan ri Simion. Io sangulun motopot ondo' gumagaya' ri Aki Kapuuno' am maginaa ra pamayagan ru Israil. Kinuasa'

RINALATAN 2:25

Naragu noyo ru raja' Daut intor ri Jisus ti, kono, ‘Masalok aku makakito Rirun Tuhan ra saang kuno, sumumbaya' Kou raki' saboi kolondo' mantipagon raki'.

RINALATAN 23:1

Tantangi' boo ri Paulus ngaangai' ulun ru Majlis Ugama i am indagu, “Pabukat kau ngaangai'! Polos ra orou raiti', bolos ru guang kuno mambala' raki' ra kaayagan kuno kolondo' sala ra pagilangan ri Aki Kapuuno'.”

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

RINALATAN 8:21

Kolondo' tayar muno ralalom kandoi mai, sabap ra guang muno kalo motopot ra pagilangan ri Aki Kapuuno'.

ROMA 8:4

I Aki Kapuuno' nambaal raginio koson ra susuban ru Ukum ri Musa no gagayaan takau ondo' maayag maya' ra kuasa' ru Ambiluo ri Aki Kapuuno' am sala' ka paliso ru itakau ulun.

1 KORINTUS 11:2

Paringkuanangan ku ramuyun sabap ra masalok kau mangkara' ra nangilaan kuli ramuyun am gumagaya' kau niayuk.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

KOLOSI 1:22

Kaa' raino, ralalom pinatayan ru Anak Nano, i Aki Kapuuno' nopobonsoi ramuyun saguli' Riso. Ginio noyo ralan ra akau maapu No koson ra ulun ondo' mapasau guang, kolondo' kasalaan am ondo' motopot.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

2 PITRUS 3:14

Intor poyo raginio, pabukat kau ngai' ondo' tagamin ku, liliwa' ra akau maginaa ra orou no, pirot kano mokoondo' ra guang mapasau koson kolondo' sala min ra saang ri Aki Kapuuno' am mobonsoi kau Riso.

1 JUANIS 2:29

Nakapandai kano ri Jisus Kristus naayag maya' ra kasagaan ri Aki Kapuuno'. Ginio boo ra akau musiti' makapandai ra moonong ulun ondo' maayag maya' ra kasagaan ri Aki Kapuuno', io no anak ri Aki Kapuuno'.

1 JUANIS 2:3

Amon ru gumagaya' takau ra ngaangai' susuban ri Aki Kapuuno', ginio tatandu' ra itakau ti nakaulig ri Aki Kapuuno'.

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.