LUKAS 1:49 - Tanou Moonsoi Timugon

⁴⁹ Mongompor aku ri Aki Kapuuno' Ondo' Maayo Kaga' Kuasa' sabap ra binaal Nano raki' baal ondo' maatang kaga'. Matulai inggalan Nano.

LUKAS 1:49 Iomraidhean Croise

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 24:8

Osoi kia Raja' ra matulai no? Io noyo Tuhan ondo' mapanggol kaga', Tuhan ondo' natikop ra kuasa', ondo' namanang ra pangayawan.

MAZMUR 99:3

Moonong ulun mongompor ra inggalan Nano ondo' maayo am matulai. Io no matulai!

MAZMUR 99:9

Omporo' noyo Tuhan, i Aki Kapuuno' takau am sambaan Io giu' ra tampak ru bulur Nano ondo' matulai! Tuhan, i Aki Kapuuno' takau ra matulai.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

JISAYA 1:24

Ginio ra, ragino rongogo' noyo Tuhan Ondo' Maayo Kaga' Kuasa', i Aki Kapuuno' ru Israil mindagu, “Pantula' Kuno, balasin Takamin. Akau pana kalo boo mantipagon Raki'.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

JISAYA 63:1

“Osoi kia io minatong intor ra bandar Bojra giu' ra Idom? Osoi kia io nambayang ra malia' am mugar ra maikang kaga'?” “Io Tuhan ondo' makakuasa' koson mamayag. Io matong koson mapabala' ra kamanangan Nano.”

JIRIMIA 10:6

Iou Tuhan, Okou kolondo' pogondo'; maikang Kou toojo, inggalan Muno matulai am makakuasa'.

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

MARKUS 5:13

Ginagaya' ri Jisus kitaak nilono. Ingkual boo riwato-riwato no intor ra ulun raginio am subol ilo ra ralalom ru bauwi-bauwi no. Ngaangai' bauwi no – olo'-olo' ruo ngaribu ngainan – saguguluyur am riminatu' intor ra lagam ru tasik no am nolosor ilo ngai'.

LUKAS 1:48

Nangkara' Io raki', kabalu' pana aku ti ulipon Nano ondo' musikin! Intor raino aku ti sabiton ru ngaangai' ulun ra aku binarakat ru Tuhan.

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.