LUKAS 1:16 - Tanou Moonsoi Timugon

¹⁶ Masuang ulun ru Israil ibiton no sumaguli' ri Aki Kapuuno', Tuhan nilai.

LUKAS 1:16 Iomraidhean Croise

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

MALIAKI 3:1

Tumaam Tuhan Ondo' Maayo Kaga' Kuasa', “Atarin Ku ulun sinusub Kuno koson manampos ra ralan Kuno. Pulusat ru Tuhan ondo' uyumon min, matong ra Baloi ru Tuhan. Ulun sinusub Kuno ondo' inaanin min matong am mampatanou ra nabantuan Kuno.”

MATIUS 21:32

Sabap ra i Juanis Mampariu' minatong manulu' ramuyun ra kaayagan motopot ondo' kasagaan ri Aki Kapuuno'. Akau kalo nangintopot ra pangilaan nali; kaa' mampalulur ra cukai am ilo ruandu' mantalan ra inan mangintopot riso. Kabalu' pana nakito min ngaangai' ti, kaa' kalo niayuk timinalikur kau am mangintopot ri Aki Kapuuno'.”

LUKAS 1:76

Okou anak kuno, piawon ra nabi ri Aki Kapuuno' Ondo' Masawat Kaga'. Sumigulu kou ra Tuhan koson momongo ra ralan Nano.

LUKAS 3:3

Ongoyo' boo ri Juanis ngaangai' intok ra libung ru Sungoi Jordan am nampatanou ra bala' ri Aki Kapuuno', kono, “Talikur kano intor ra tula mino am pakiriu' kau, maa' raginio ampunon kau ri Aki Kapuuno'.”