LUKAS 1:15 - Tanou Moonsoi Timugon

¹⁵ Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

LUKAS 1:15 Iomraidhean Croise

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 48:19

Kaa' ansang ama' nano ri Jusup, “Nakapandai aku, anak kuno, nakapandai aku. Masauk niayuk papag ri Manasi no ra bansa' maayo. Kaa' boborok nati makakuasa' poyo ka intor riso, am papag nano masauk ra bansa' mangaayo.”

1 TUNUNG RU BANSA' ISRAIL 17:8

Nabaya' Aku rirun ra ati ayuk angayan muno, am kalaan Ku ngaangai' pantula' muno paat ra okou mangayou. Okou pasaukon Ku ra mauligan kaga' koson ra tingganai-tingganai maayo kaga' ra tana' ti.

1 TUNUNG RU BANSA' ISRAIL 29:12

Ngaangai' rapu' am kalangkayaan intor noyo Rirun; ngaangai' no Okou nanguasa' ra kaikangan am kuasa' Muno; Okou makakuasa' mambaal ra osoi ayuk masauk ra ulun maayo am maikang.

MAZMUR 22:9

Mindagu ilo, “Mangintopot kau ra Tuhan, kaa' bakua pai' Io pamayag ramuyun? Amon ru tagamin kau ru Tuhan, bakua pai' Io pangindangan ramuyun?”

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

JIRIMIA 35:6

Kaa' taam ilo, “Kalo manginum akai ra wain. Kinamatuaan maili, i Jonadab anak ri Rikab, nanginggalar ramon am papag mai intor ra manginum ra wain.

IMAMAT 10:9

“Pai' noyo okou am anak-anak muno umpos ralalom ru Kim ru Tuhan ra mopongo manginum ra wain kapoam inumon makagauk. Amon ru mumpos kau, matoi kau. Gitio noyo aturan ondo' musiti' gagayaan ru ngaangai' papag muno.

JAKARIA 9:15

Tuhan Ondo' Maayo Kaga' Kuasa' manindung ra ulun Nano, pusoon nilo pantula'. Mampaluwau ilo koson ra ulun magauk mampaluwau, liliwa' mampasasar ra raraa' ru pantula'; raraa' ru pantula' tumilis koson ra raraa' ru taak simbalui, ondo' pinasasar giu' ra rasawat ru altar intor ra rondo' mangkuk.

LUKAS 1:14

Maansukan kou kaga' am masuang ulun maansukan ra io maanak lalaing no!

LUKAS 7:28

Indagu poyo i Jisus, “Karaa' min! Giti ra tana' ti, kolondo' sangulun pana maatang intor ri Juanis Mampariu'. Kaa' ulun ondo' kalo maatang ra ulun ri Aki Kapuuno', maatang poyo intor ri Juanis Mampariu'.”

LUKAS 7:33

Ratong i Juanis Mampariu', nampali am kalo nanginum io ra wain. Kamin boo, ‘Sinubol io ru riwato!’

JUANIS 5:35

I Juanis i koson ra lampung ondo' mapaang am mampakasinda, kaa' sangkinolor ayuk akau masaga' siminia' ra sinda nali.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

JOSUA 3:7

Indagu Tuhan ri Josua, “Atan ondo' baalon Kuno ra orou raiti' mangkinibit ra ulun ru Israil mangurumat toojo Raki'. Makaliman ilo ra mabaya' Aku rirun koson Aku nabaya' ri Musa.

JOSUA 4:14

Binaal ru Tuhan paat ra orou raginio nambaal ra ulun ru Israil mangurumat ri Josua koson ulun maatang. Nangurumat ilo riso buoi ru bayag nano koson ilo nangurumat ri Musa ragili.