KAINGKUALAN 9:4 - Tanou Moonsoi Timugon

⁴ Pansalaan Ku bibiag tinambiag ru ulun ru Israil am bibiag tinambiag ru ulun ru Misir. Sanginan pana ra bibiag tinambiag ru ulun ru Israil kalo matoi.

KAINGKUALAN 9:4 Iomraidhean Croise

KAINGKUALAN 10:23

Kalo makapangkito ulun ru Misir ra rondo' am bokon, am buoi ru ginio kolondo' sangulun pana ondo' mingkual intor ra baloi. Kaa' intok inayanan ru ulun ru Israil nagulayun matawang.

KAINGKUALAN 12:13

Raraa' ra lugu' ru kulobon ru baloi masauk ra tatandu' tayar intok inayanan min. Makito Ku raraa' no, sumail Aku ramuyun, am kalo mangukum ramuyun paat ra Aku mangukum ra ulun ru Misir.

KAINGKUALAN 8:19

Indagu ulun mapandai kaga' ra sihir no ra raja', “Binaal gitio ri Aki Kapuuno'!” Kaa' lakat poyo bambalingatan raja' am marara' mangining ra ragu ri Musa am i Arun, koson ra rinagu ru Tuhan.

KAINGKUALAN 8:22

Kalo mapatiu' Aku ra tampilon Gosyin intok inayanan ru ulun Kuno. Kolondo' bulongor ra giu' no. Mambaal Aku ra baal ragitio maa' raginio makapandai kou ra Aku, Tuhan, makakuasa' ra pagun ti.

KAINGKUALAN 9:26

Tampilon ayuk ra Gosyin, intok inayanan ru ulun ru Israil kalo nalumpa' ra rasam batu.

KAINGKUALAN 9:5

Aku Tuhan nangaru' noyo ra orou susuab no baalon ginio.’ ”

KAINGKUALAN 9:6

Paat ra suabon no nambaal Tuhan koson ra rinagu Nali, am ngaangai' bibiag tinambiag ru ulun ru Misir namagatoi, kaa' bibiag tinambiag ru ulun ru Israil kolondo' minatoi.

AMOS 4:7

Aku nongompong ra rasam rumatu' paat ra tatanom min musiti' maasa' ra timug. Paratuon Ku rasam giu' ra rondo' bandar kaa' kalo paratuon ra bandar ra bokon. Rondo' umo marasaman, kaa' umo ra bokon mapuaan.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”