KAINGKUALAN 9:3 - Tanou Moonsoi Timugon

³ ukumin Tokou. Maparatong Aku ra maruol ondo' malaat kaga' ra ngaangai' bibiag tinambiag muno; kuda, kaladai, unta, sapi', domba am kambing.

KAINGKUALAN 9:3 Iomraidhean Croise

KASAUKAN 47:17

Pataako' nilo boo biniag nilono ri Jusup am anii' ilo ra akanon pangalig ra kuda, domba, kambing, sapi' am kaladai. Bilor raginio nangani' i Jusup risilo ra akanon koson alig ra ngaangai' biniag nilono.

MAZMUR 39:10

Mongkoror aku am kalo gaalon ku kabang, sabap ra gini noyo binaal Muni.

KAINGKUALAN 5:3

Indagu i Musa am i Arun, “Minintalang noyo i Aki Kapuuno' ru ulun ru Ibrani no ramon. Iowo' akai noyo mongoi ra tana' kaagisan, ra galur talu ngoorou pangkiralanan mapataak ra taak simbalui ra Tuhan i Aki Kapuuno' mai ngai'. Amon ru kalo mambaal ragitio, mamatoi Io ramon ngaangai' ra maruol kapoam pangayawan.”

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

KAINGKUALAN 8:19

Indagu ulun mapandai kaga' ra sihir no ra raja', “Binaal gitio ri Aki Kapuuno'!” Kaa' lakat poyo bambalingatan raja' am marara' mangining ra ragu ri Musa am i Arun, koson ra rinagu ru Tuhan.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

RINALATAN 13:11

Ilai' raino, ukumin kou ri Aki Kapuuno'. Moolou kou am kalo makakito kou mato ru orou ra kukula' buoi!” Paat ragili niayuk nalimanan ri Ilimias ra mokoondo' nanili ra mato nali, saboi kakakama' no ayuk boo mugar am makikitang io ra ulun.

1 SAMUIL 6:9

Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”