KAINGKUALAN 9:17 - Tanou Moonsoi Timugon

¹⁷ Kaa' lakat kou poyo lumimbau am kalo mapaugar ra ulun Kuno.

KAINGKUALAN 9:17 Iomraidhean Croise

AYUP 40:9

Maikang kou kia koson Raki'? Maalap kia bolos muno maningkalur koson ra kinapuor ru bolos Kuno?

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

KAINGKUALAN 9:16

Kaa' polosoon Tokou maayag koson mapakito rirun ra kuasa' Kuno, maa' raginio inggalan Kuno mauligan toojo ra titikop ru tana' ti.

KAINGKUALAN 9:18

Olo'-olo' paat ragitio ra susuab no, paratuon Ku rasam batu ondo' maawas, ondo' kalo igondo' nasauk buoi ra sejarah ru pagun ru Misir.

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 37:29

Nakaining Aku no ra sangit am limbau muno. Ragino susukin Ku arung muno ra kakait, am kakangin Ku kabang muno. Ralaaton Tokou muli' maya' ra ralan binayaan muno ra galingon i.”

JISAYA 45:9

Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

YEHEZKIEL 28:6

Ginio ra, rongogo' atan ondo' paraguon Kuno, Tuhan Raja', ‘Sabap ra indoson muno mapintar kou koson ra dewa,

DANIL 5:20

Kaa' sabap ra nasauk io ra malilimbau, bambalingatan am malaat, pinatuun io intor ra kurisi' nanturungan am natatakan ra katulayan nano.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?