KAINGKUALAN 9:14 - Tanou Moonsoi Timugon

¹⁴ Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

KAINGKUALAN 9:14 Iomraidhean Croise

2 SAMUIL 7:22

Matulai Kou kaga', iou Tuhan Raja'! Okou kolondo' pogondo'; intor ragili nakapandai akai ra Okou noyo rorondo' i Aki Kapuuno'.

1 RAJA'-RAJA' 8:38

rongogo' noyo pakiasian nilo. Amon ru mokoondo' ra ulun ra gino ngai' ru ulun Muno Israil, ra mangiluk guang mopotoroi ra kalindu' am makiasi' Rirun liliwa' tumingkuang ra Baloi ti,

1 TUNUNG RU BANSA' ISRAIL 17:20

Iou Tuhan, kolondo' mokogondo' Rirun; intor ragili, nakapandai akai noyo ra Okou noyo rorondo' i Aki Kapuuno'.

MAZMUR 86:8

Kolondo' tuhan koson Rirun, iou Tuhan, kolondo' makabaal koson ra binaal Muno.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 8:6

Patutuyo' ri Arun jujuga' nano ra rasawat ru timug, ujak boo antit no saboi nokototop ra titikop ru pagun no.

KAINGKUALAN 9:15

Amon ru nangukum Aku rirun am mamagun muno ra maruol, maaru' malingon kau ngai' maluus.

JISAYA 45:5

“Aku noyo Tuhan; kolondo' bokon. Aniin Tokou ra kaikangan ondo' kasagaan Kuno, kabalu' pana okou kalo makaulig Raki'.

JISAYA 46:9

Karaa' noyo kasaukan-kasaukan ra galing i; Iowo' noyo ra Aku i Aki Kapuuno', am kolondo' bokon, Aku i Aki Kapuuno' am kolondo' mokogondo' Raki'.

JIRIMIA 10:6

Iou Tuhan, Okou kolondo' pogondo'; maikang Kou toojo, inggalan Muno matulai am makakuasa'.

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

JIRIMIA 19:8

Palumpaan Ku karaat makalalaa' ra bandar ti saboi moonong ulun ondo' mansail ragiti makatigog am malaa'.

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

IMAMAT 26:18

Amon ru malupus makaili' ra ngaangai' ukuman no lakat kau poyo kalo gumagaya' Raki', ruangin Ku ukuman no intulu' poyo ruli' no.

IMAMAT 26:21

Amon ru lakat kau niayuk manggal Raki' am kalo gumagaya' Raki', ruangin Ku ukuman no intulu' ruli' poyo.

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

MIKA 6:13

Ginio ra nakatalimpuun aku noyo mampalamba' am mamuso ramuyun sabap ru tula min.

SAGULION 3:24

‘Iou Tuhan Raja', nakapandai aku ra atan ondo' nanuluan Muno raki' talimpuun ayuk ru baal maayo am makaimuag ondo' baalon Muno. Kolondo' tuhan ra bokon giu' ra limbowon kapoam giu' ra tana' ondo' makapambaal ra baal makaimuag ondo' binaal Muno.

SAGULION 4:35

Binaal ru Tuhan ngaangai' baal raginio maa' raginio makapandai kau ra Io rondo'-rondo' noyo Tuhan, am kolondo' boo bokon.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”

PINAINTALANG 22:18

Aku, i Juanis, mampakara' toojo ra moonong ulun ondo' mokorongog ra bala' ondo' tinulisan ra kitab ragitio; osoi ayuk mamparuang ra bala' ti, ruangin ri Aki Kapuuno' ukum ru ulun no ra kapaganan malaat ondo' pinabala' ralalom kitab ragitio.

1 SAMUIL 4:8

Osoi kinua' makapamayag ritakau intor ra dewa-dewa ondo' maikang no? Dewa-dewa raginio noyo ondo' nakapamuso ra ulun ru Misir giu' ra tana' kaagisan ragili.