KAINGKUALAN 8:8 - Tanou Moonsoi Timugon

⁸ Nampiau raja' ri Musa am i Arun am indagu, “Pakiasi' noyo ra Tuhan maa' raginio pusoon No antit-antit ti, am paugaron ku bansa' min, maa' raginio makapapataak ilo ra taak simbalui ra Tuhan.”

KAINGKUALAN 8:8 Iomraidhean Croise

1 RAJA'-RAJA' 13:6

Indagu Raja' Jirobiam ra nabi no, “Pakiasi' noyo ra Tuhan, i Aki Kapuuno' muno ra bala kuno, am kitaako' noyo maa' raginio mamabas Io ra longon kutu!” Pakiasi' nabi no ra Tuhan, am longon ru raja' no binabas.

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

KAINGKUALAN 10:16

Pampiau mataki' raja' ri Musa am i Arun, indagu io, “Makatula' aku ra Tuhan i Aki Kapuuno' min am akau.

KAINGKUALAN 10:17

Ampuno' noyo tula kuno raino ti ayuk, am pakiasi' noyo ra Tuhan i Aki Kapuuno' mino koson mapainggalur Io intor raki' ra ukuman ondo' makalalaa' kaga' ti.”

KAINGKUALAN 10:18

Iruani' ri Musa raja' am pakiasi' ra Tuhan.

KAINGKUALAN 14:5

Kabalai' raja' ru Misir ra nagigiru' ulun ru Israil, nababaya' raja' no ra pagawai nano nangulau ra pangkaraan, am indagu, “Atan binaal takau? Nopoloso takau ra ulun ru Israil nagigiru' saboi natatakan takau ra inulipon.”

KAINGKUALAN 32:11

Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

KAINGKUALAN 8:15

Paat ra nakito ru raja' ra minatoi noyo ngaangai' antit, bambalingatan saguli' raja'. Marara' raja' mangining ra ragu ri Musa am i Arun koson ra rinagu ru Tuhan.

KAINGKUALAN 8:29

Taam i Musa, “Makaugar aku ayuk, makiasi' aku ra Tuhan maa' raginio susuab no bulongor no magiru' intor rirun raja', pagawai muno am mamagun muno. Kaa' pai' boo pamparuung ramon, am pai' ingai' ulun ru Israil mongoi koson mapataak ra taak simbalui ra Tuhan.”

KAINGKUALAN 8:32

Kaa' raino ti pana bambalingatan raja' am marara' mapaugar ra bansa' no.

KAINGKUALAN 8:9

Indagu i Musa ra raja', “Nakatampos aku noyo makiasi' rirun raja'. Aruo' noyo paat no am makiasi' aku rirun raja', pagawai muno am mamagun muno. Palabuson kou raja' intor ra antit-antit no, am kolondo' boo soroi ondo' ayuk am antit ondo' soroi ralalom ru Sungoi Nil.”

KAINGKUALAN 9:27

Pampiau boo raja' ri Musa am i Arun am indagu, “Raino ti natulaan aku. Motopot toojo Tuhan no, aku am mamagun kuno makasala.

KAINGKUALAN 9:28

Pakiasi' noyo ra Tuhan. Sama' noyo akai naimbolo' sabap ra tingkalur am rasam batu ti. Bantuon ku ra mapaugar ramuyun. Kalo pana boo mayan kau ragiti.”

KAINGKUALAN 9:33

Iruani' boo ri Musa raja' am ongoi ra liwar ru bandar. Giu' no nakiasi' io ra Tuhan am nangakat ra longon, longgo' boo tingkalur, rasam batu am rasam.

UNTABAN 21:7

Ratong ulun ru Israil ri Musa am indagu, “Makatula akai paat akai nambubutok ra Tuhan am okou. Pakiasi' no ra Tuhan maa' raginio kukuo-kukuo ti painggaluron intor ramon.” I Musa pana pakiasi' ra Tuhan ra tayar ru ulun no.

RINALATAN 8:24

Indagu i Simon ri Pitrus am i Juanis, “Indangano' min aku makiasi' ri Aki Kapuuno' koson kalo matiu' aku ra atan ayuk ondo' rinagu min ra raitii' ni.”

1 SAMUIL 12:19

Indagu ilo ri Samuil, “Anii pangindangan tuan, pakiasi' no ra Tuhan i Aki Kapuuno' muno ra tayar mai, maa' raginio kalo matoi akai. Raino nakaliman akai ra suai ra tula mai ondo' masuang, makatula akai poyo paat ra akai nakitaak ra sangulun raja'.”