KAINGKUALAN 8:20 - Tanou Moonsoi Timugon

²⁰ Indagu Tuhan ri Musa, “Ongoi noyo tuum ra raja' rumondom ra susuab no paat ra io mongoi ra sungoi. Balai' io ra indagu Tuhan, ‘Paugaro' noyo ulun Kuno mongoi sambayang Raki'.

KAINGKUALAN 8:20 Iomraidhean Croise

MAZMUR 105:31

Ralalom ragu ri Aki Kapuuno', bulongor am pulias napapak ra titikop ru pagun no.

MAZMUR 78:45

Inataran No bulongor koson mangimbolo' ra ulun ru Misir, am antit koson mamuso ra umo nilono.

KAINGKUALAN 2:5

Paat raginio tumuun anak ruandu' ru raja' ra sungoi koson mariu', liliwa' ulipon-ulipon ruandu' nano mugar-ugar ra kiing ru sungoi. Kakito ru anak ruandu' ru raja' no bakul pinaunor ra sakot galaga. Nanusub io ra sangulun ulipon ruandu' mongoi pangalap ra bakul no.

KAINGKUALAN 3:18

Ulun Kuno mangining ra ragu muno. Mongoi kou toojo uma' ra raja' ru Misir mabaya' ra tingganai-tingganai ru ulun ru Israil no am mindagu riso, ‘Tuhan i Aki Kapuuno' ru ulun ru Ibrani minintalang noyo ramon. Raino iowo' akai no mugar buoi talu ngoorou pangkiralanan mongoi ra tana' kaagisan, mampataak ra taak simbalui ra Tuhan i Aki Kapuuno' mai.’

KAINGKUALAN 4:23

Nanusub Aku noyo rirun ra makataak ra anak Kuno mugar maa' raginio makasamba io Raki', kaa' marara' kou. Raino potoyon Ku anak ungkuyon katuaan muno.’ ”

KAINGKUALAN 5:1

Ongoi boo tuum i Musa am i Arun ra raja' ru Misir am indagu, “Koson ragitio ragu ru Tuhan i Aki Kapuuno' ru ulun ru Israil, ‘Paugaro' noyo ulun Kuno maa' raginio makasambayang ilo Raki' giu' ra tana' kaagisan.’ ”

KAINGKUALAN 5:3

Indagu i Musa am i Arun, “Minintalang noyo i Aki Kapuuno' ru ulun ru Ibrani no ramon. Iowo' akai noyo mongoi ra tana' kaagisan, ra galur talu ngoorou pangkiralanan mapataak ra taak simbalui ra Tuhan i Aki Kapuuno' mai ngai'. Amon ru kalo mambaal ragitio, mamatoi Io ramon ngaangai' ra maruol kapoam pangayawan.”

KAINGKUALAN 7:15

Ginio ra ongoi noyo tuum ra raja' tampilon ra susuab ti, paat ra io tumuun ra Sungoi Nil. Ibito' noyo jujuga' ondo' igondo' nakulau nasauk ra kukuo, am inaani' io ra kiing ru sungoi.

KAINGKUALAN 8:1

Indagu boo Tuhan ri Musa, “Ongoi tuum ra raja' am balai' io ra ragu ru Tuhan, ‘Paugaro' noyo ulun Kuno maa' raginio makasambayang ilo Raki'.

KAINGKUALAN 8:21

Amon ru marara' kou, maparatong Aku ra bulongor rirun, pagawai muno am mamagun muno. Baloi-baloi ru ulun ru Misir, am poyo titikop ru pagun matikop ra bulongor.

KAINGKUALAN 9:13

Indagu boo Tuhan ri Musa, “Ongoi noyo tuum ra raja' rumondom ra susuab no, am balai' io ra Tuhan i Aki Kapuuno' ru ulun ru Ibrani mindagu, ‘Paugaro' noyo ulun Kuno maa' raginio makasambayang ilo Raki'.