KAINGKUALAN 8:19 - Tanou Moonsoi Timugon

¹⁹ Indagu ulun mapandai kaga' ra sihir no ra raja', “Binaal gitio ri Aki Kapuuno'!” Kaa' lakat poyo bambalingatan raja' am marara' mangining ra ragu ri Musa am i Arun, koson ra rinagu ru Tuhan.

KAINGKUALAN 8:19 Iomraidhean Croise

KASAUKAN 41:24

Tinolon ru tulu' ngaumi gandum ra nangumpis no tulu' ngaumi gandum ra makaumas no. Tinunung ku inupi kuno ra ulun-ulun mapandai kaga' ra sihir no, kaa' kolondo' sangulun pana risilo makapambala' ra arati' no raki'.”

MAZMUR 8:3

rinimbai ru ngaangai' lalaing am lalagang. Karajaan Muno mapanggol kalo mauyog koson mamuso ra ngaangai' pantula' Muno.

KAINGKUALAN 10:23

Kalo makapangkito ulun ru Misir ra rondo' am bokon, am buoi ru ginio kolondo' sangulun pana ondo' mingkual intor ra baloi. Kaa' intok inayanan ru ulun ru Israil nagulayun matawang.

KAINGKUALAN 10:7

Indagu pagawai no ra raja', “Kula' poyo buoi ru ulun no mantipagon ritakau? Polosoon noyo ulun ru Israil no mugar maa' raginio makasambayang ilo ra Tuhan i Aki Kapuuno' nilo. Ilai' noyo, jajajou ayuk boo pagun takau ti!”

KAINGKUALAN 11:7

Kaa' intor ra tayar ru ulun ru Israil, ulun kapoam bibiag kalo jojowon. Raginio boo, makapandai kou ra Aku, Tuhan, mapasuai ra ulun ru Misir am ulun ru Israil.’ ”

KAINGKUALAN 7:13

Kaa' bambalingatan noyo raja' am marara' mangining ra ragu ri Musa am i Arun, koson ra rinagu noyo ru Tuhan.

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

KAINGKUALAN 7:5

Makapandai boo ulun ru Misir ra Aku noyo Tuhan paat ra Aku mangukum risilo am magibit ra ulun ru Israil mingkual intor ra pagun ru Misir.”

KAINGKUALAN 9:26

Tampilon ayuk ra Gosyin, intok inayanan ru ulun ru Israil kalo nalumpa' ra rasam batu.

KAINGKUALAN 9:4

Pansalaan Ku bibiag tinambiag ru ulun ru Israil am bibiag tinambiag ru ulun ru Misir. Sanginan pana ra bibiag tinambiag ru ulun ru Israil kalo matoi.

DANIL 2:19

Paat rondom raginio niayuk nampatutun i Aki Kapuuno' ra ondo' nakasibuni ra inupi no ri Danil ralalom rondo' pinaintalang. Pongompor i Danil ri Aki Kapuuno' panguasa' giu' ra suruga' am indagu,

MATIUS 12:28

Ambiluo ri Aki Kapuuno' nangani' Raki' ra kuasa' mampagiru' ra riwato, am gitio mampainono' ra i Aki Kapuuno' nakatalimpuun noyo mamarinta ra gino ngai' min.

LUKAS 11:20

I Aki Kapuuno' nangani' Raki' ra kuasa' mampagiru' ra riwato am gitio noyo tatandu' ra timinalimpuun noyo i Aki Kapuuno' mamarinta ramuyun.

JUANIS 11:47

Ginio ra ulun ru Parisi am tingganai imam Jaudi miting ra Majlis Ugama. Konilo, “Atan nua' baalon takau? Ilai', masuang kaimuagan binaal ru ulun ti!

RINALATAN 4:16

Pasakuot ilo, “Atan kia musiti' takau baalon ra ruo ngaulun ni? Ngaangai' mamagun ra Jirusalim nakapandai noyo ra ilo nambaal ra kaimuagan i. Baal raginio kalo maali' takau.

1 SAMUIL 6:3

Taam ilo, “Pai' min pasagulio' Kaban Nabantuan ri Aki Kapuuno' ru Israil no ra kolondo' paayaan ra atan pana taak ra tayar Riso no. Moonsoi Kaban no bayain ra taak ru tayar ra mamuso ra tula takau. Koon raginio noyo ra akau babason, am makapandai kau boo ra sasaban ri Aki Kapuuno' no mararayus mangukum ramuyun.”

1 SAMUIL 6:9

Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”