KAINGKUALAN 8:14 - Tanou Moonsoi Timugon

¹⁴ Timungo' ru ulun ru Misir baangkai ru antit no saboi paribujuk, saboi mootong titikop ru pagun.

KAINGKUALAN 8:14 Iomraidhean Croise

1 RAJA'-RAJA' 18:26

Alapo' nilo sanginan sapi' gawayan ondo' tinaakan risilo no, pomongo ilo ginio, am pakiasi' ra Baal saboi tanga' ru orou. Pampiau ilo, “Iou Baal, taam no ramon!” Binaal nilo koon raginio liliwa' saligo'-ligo' giu' ra liput ru altar ondo' binaal no, kaa' kolondo' taam.

1 RAJA'-RAJA' 18:29

Narayus ilo napaugar raginio saboi namayian kaga', kaa' kolondo' tumaam, am kolondo' bolos morongog.

KAINGKUALAN 7:21

Patoi papait-papait ralalom ru sungoi no, am mootong kaga' owou no saboi timug ru sungoi no kalo mainum ru ulun ru Misir. Titikop pagun ru Misir makararaa'.

KAINGKUALAN 8:13

Sinugut ru Tuhan kitaak ri Musa am antit ralalom baloi, giu' ra liliut am giu' ra umo, minatoi ngaangai'.

KAINGKUALAN 8:15

Paat ra nakito ru raja' ra minatoi noyo ngaangai' antit, bambalingatan saguli' raja'. Marara' raja' mangining ra ragu ri Musa am i Arun koson ra rinagu ru Tuhan.

KAINGKUALAN 8:24

Naparatong Tuhan ra masuang kaga' bulongor minongoi ra istana raja' am baloi ru pagawai nano. Titikop ru pagun ru Misir naimbolo' kaga' sabap ra bulongor no.

KAINGKUALAN 9:11

Kalo makatuum ulun mapandai kaga' ra sihir no ri Musa sabap ra napuu ilo ra talipos koson ulun ru Misir ra bokon no.

JISAYA 19:11

Tingganai-tingganai ru bandar Joan no sasambungon! Ngaangai' mambibilin ra raja' ru Misir manaak ra bilin ondo' sasambungon! Mapara' piboo baani nilono mambala' ra raja' ra ilo noyo sumuali ra ulun mapintar am niayuk raja' ra galing i!

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

YEHEZKIEL 39:11

Indagu Tuhan, “Paat ra ngaangai' no masauk ra tauli no, aniin Ku i Gog rondo' intok giu' ra Israil tayar ru pampalabangan riso, iono giu' ra Limayak Sandaupan tampilon ra sirangon ru Raat Matoi. I Gog am ngaangai' saujor nano lobongon ra giu' no, am limayak no sabiton ra ‘Limayak ru Saujor ri Gog’.

JOIL 2:20

Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.