KAINGKUALAN 7:20 - Tanou Moonsoi Timugon

²⁰ Baalo' boo ri Musa am i Arun nanusuban ru Tuhan. Giu' ra saang ru raja' am pagawai nano, kakato' ri Arun jujuga' nano am palambaa' ra timug ru Sungoi Nil. Kulau boo timug ru sungoi no sumauk ra raraa'.

KAINGKUALAN 7:20 Iomraidhean Croise

2 RAJA'-RAJA' 4:29

Ponontong i Ilisa ri Gigaji am indagu, “Ribaki'! Ibito' jujuga' kuli am ugar no. Pai' uog manabi' ra osoi ayuk pana. Amon ru mokoondo' ulun manabi' rirun, kalo pana balasin. Ongoi rampus ra baloi nano am pabantaa' jujuga' kuno ra inan ru anak no.”

MAZMUR 105:29

Kinulau No timug ru sungoi nasauk ra raraa', am pinatoi No ngaangai' papait ru sungoi no.

MAZMUR 78:44

Kinulau No timug ru sungoi masauk ra raraa', saboi timug no kalo boo mainum ru ulun ru Misir.

KAINGKUALAN 4:9

Amon ru lakat poyo kalo masaga' ilo mangintopot rirun kabalu' pana nakakito noyo ra karuruo kaimuagan no, am kalo masaga' ilo mangining ra ragu muno, alap sanganu timug intor ra Sungoi Nil am pasasaro' ra tana'. Makulau timug no masauk ra raraa'.”

KAINGKUALAN 7:10

Ginio ra ongoi i Musa am i Arun tuum ra raja' am pambaal ra kaimuagan koson ra nanusuban ru Tuhan. Papatiro' ri Arun jujuga' nano ra saang ru raja' am pagawai nano, am nakulau boo jujuga' no nasauk ra kukuo.

KAINGKUALAN 7:21

Patoi papait-papait ralalom ru sungoi no, am mootong kaga' owou no saboi timug ru sungoi no kalo mainum ru ulun ru Misir. Titikop pagun ru Misir makararaa'.

KAINGKUALAN 7:6

Nambaal i Musa am i Arun ra nanusuban ru Tuhan.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.

PINAINTALANG 8:8

Malaikat karuo no nanamput ra bujung nano. Mokoondo' boo koson ra gunung maayo siminimbula' pinapatir ra raat. Sampitalu ru raat no masauk ra raraa'.