KAINGKUALAN 7:19 - Tanou Moonsoi Timugon

¹⁹ Indagu Tuhan ri Musa, “Susubo' i Arun mangalap ra jujuga' nano am patutuyo' ra rasawat ru ngaangai' sungoi, babayaan ru timug am kulam ra Misir. Makulau timug sumauk ra raraa', am titikop ru pagun pana makararaa', kaa' niayuk ralalom ru tuung tataun am rarapu' batu.”

KAINGKUALAN 7:19 Iomraidhean Croise

KASAUKAN 1:10

Inggalani' No tana' mapua' no “lantur” am inggalani' No tayar ru timug no “raat”. Maansayan kaga' i Aki Kapuuno' magilong ra baal raginio.

2 RAJA'-RAJA' 4:29

Ponontong i Ilisa ri Gigaji am indagu, “Ribaki'! Ibito' jujuga' kuli am ugar no. Pai' uog manabi' ra osoi ayuk pana. Amon ru mokoondo' ulun manabi' rirun, kalo pana balasin. Ongoi rampus ra baloi nano am pabantaa' jujuga' kuno ra inan ru anak no.”

KAINGKUALAN 10:12

Indagu Tuhan ri Musa, “Patutuyo' kalindu' muno ra tana' ru Misir koson maparatong ra gapu'. Matong gapu' koson mangakan ra ngaangai' tutuu' ondo' kalo nalupis ru rasam batu.”

KAINGKUALAN 10:21

Indagu Tuhan ri Musa, “Kakato' longon muno tampilon ra limbowon, am kalandaman ra molondom kaga' matikop ra titikop ru tana' ru Misir.”

KAINGKUALAN 14:16

Kakato' jujuga' muno am patutuyo' ra rasawat ru raat. Timug ru raat malapak, am makaugar ulun ru Israil mansail ra raat rasawat ru lonor no ondo' mapua'.

KAINGKUALAN 14:21

Patutuyo' ri Musa kalindu' nano rasawat ru raat, am mangkinibit Tuhan ra angin sirangon sumiob ra mapuor saboi lumugut timug ru raat. Nagangin buoi ru rondom am nangulau ra raat nasauk ra tana' mapua'. Nalapak timug ru raat,

KAINGKUALAN 14:26

Indagu Tuhan ri Musa, “Patutuyo' noyo kalindu' muno ra rasawat ru raat, am sumaguli' timug no am mompolosor ra ulun ru Misir am kurita' kuda am niayuk mapaugar ra kurita' kuda nilo.”

KAINGKUALAN 4:9

Amon ru lakat poyo kalo masaga' ilo mangintopot rirun kabalu' pana nakakito noyo ra karuruo kaimuagan no, am kalo masaga' ilo mangining ra ragu muno, alap sanganu timug intor ra Sungoi Nil am pasasaro' ra tana'. Makulau timug no masauk ra raraa'.”

KAINGKUALAN 8:16

Indagu Tuhan ri Musa, “Susubo' i Arun mapalamba' ra tana' no ra jujuga' nano, am makulau boo kaau sumauk ra pulias ra titikop ru pagun ru Misir.”

KAINGKUALAN 9:33

Iruani' boo ri Musa raja' am ongoi ra liwar ru bandar. Giu' no nakiasi' io ra Tuhan am nangakat ra longon, longgo' boo tingkalur, rasam batu am rasam.

JISAYA 19:10

ulun mambaal ra konoon am ulun mangandoi malumpus guang am malawo guang.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.