KAINGKUALAN 7:17 - Tanou Moonsoi Timugon

¹⁷ Ginio ra indagu Tuhan ra makapandai kou raja' ra osoi Tuhan no intor ra atan ondo' binaal Nano. Ilai' noyo, lambaan ku timug ru sungoi ra jujuga' ti, am makulau timug no sumauk ra raraa'.

KAINGKUALAN 7:17 Iomraidhean Croise

1 RAJA'-RAJA' 20:28

Sangulun nabi minuma' ra Raja' Agab am indagu, “Koon raginio ragu ru Tuhan: ‘Sabap no ra ulun ru Siria minindagu ra Aku ayuk makakuasa' giu' ra gunung am kalo makakuasa' giu' ra tana' marata', manaak Aku rirun ra kamanangan ra saujor nilo ondo' masuang kaga' no. Okou am mamagun muno makapandai ra Aku noyo Tuhan.’ ”

2 RAJA'-RAJA' 19:19

Ginio ra bayago' akai intor ra ulun ru Asyur, iou Tuhan, i Aki Kapuuno' mai maa' raginio ngaangai' bansa' ra tana' ti makapandai ra Okou, Tuhan rorondo' ayuk i Aki Kapuuno'.”

MAZMUR 105:29

Kinulau No timug ru sungoi nasauk ra raraa', am pinatoi No ngaangai' papait ru sungoi no.

MAZMUR 78:44

Kinulau No timug ru sungoi masauk ra raraa', saboi timug no kalo boo mainum ru ulun ru Misir.

MAZMUR 83:18

Polosoo' ilo kalaan am malaa' ra sabuoi-buoi no; polosoo' ilo matoi ra asabin!

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

KAINGKUALAN 1:22

Indagu boo raja' ru Misir ra moonong mamagun, “Moonong anak ungkuyon ru ulun ru Ibrani ondo' kakaanak no musiti' patirin ra Sungoi Nil, kaa' ngaangai' anak ruandu' polosoon maayag.”

KAINGKUALAN 10:2

am maa' raginio mabalaan min anak am akupu min ati kulaan inanja'-anja' Ku ulun ru Misir, paat ra Aku mambaal ra kaimuagan. Makapandai kau ngaangai' ra Aku noyo Tuhan.”

KAINGKUALAN 4:9

Amon ru lakat poyo kalo masaga' ilo mangintopot rirun kabalu' pana nakakito noyo ra karuruo kaimuagan no, am kalo masaga' ilo mangining ra ragu muno, alap sanganu timug intor ra Sungoi Nil am pasasaro' ra tana'. Makulau timug no masauk ra raraa'.”

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

KAINGKUALAN 7:20

Baalo' boo ri Musa am i Arun nanusuban ru Tuhan. Giu' ra saang ru raja' am pagawai nano, kakato' ri Arun jujuga' nano am palambaa' ra timug ru Sungoi Nil. Kulau boo timug ru sungoi no sumauk ra raraa'.

KAINGKUALAN 7:5

Makapandai boo ulun ru Misir ra Aku noyo Tuhan paat ra Aku mangukum risilo am magibit ra ulun ru Israil mingkual intor ra pagun ru Misir.”

YEHEZKIEL 25:17

Ukumin Ku ilo ra maagat am paabuson guang mansuli' risilo. Paat ra ilo makaliman ra sangit Kuno, makapandai ilo ra Aku noyo Tuhan.”

YEHEZKIEL 29:9

Masauk Misir ra intok kolondo' tutuu' am masiluk. Makapandai kau boo ra Aku noyo Tuhan. “Okou raja' ru Misir! Sabap ra minindagu kou ra Sungoi Nil longgom muno, am okou nambaal no,

YEHEZKIEL 30:19

Paat ra Aku mangukum ra Misir koson raginio, bagu no makapandai ilo ra Aku noyo Tuhan.”

YEHEZKIEL 30:8

Mopongo Aku monolob ra Misir am mamatoi ra ngaangai' ulun manungka' riso, bagu no makapandai ilo ra Aku noyo Tuhan.

YEHEZKIEL 32:15

Paat ra pasaukon Ku Misir ra tana' kaagisan ondo' kolondo' tutuu' am masiluk, am niayuk mamuso ra ngaangai' mamagun ra giu' no, bagu no makapandai ilo ra Aku noyo Tuhan.

YEHEZKIEL 32:6

Pasasaron Ku raraa' muno saboi mamasa' ra bulur-bulur am mototop sungoi-sungoi boborok.

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

YEHEZKIEL 39:28

Makapandai boo ulun Kuno ra Aku Tuhan, i Aki Kapuuno' nilo. Makapandai ilo boo ra pinoloso Ku ilo pinatiran ra pagun ru ulun, kaa' timungon Ku niayuk ilo am ibiton ilo muli' ra pagun nilo galama', ra kalo tatangon sangulun pana giu' ra pagun namatiran.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:32

Pagiruon kou intor ra ulun manampagun, am mayan giu' ra tatanga' ru bibiag masigo. Mangakan kou ra sakot koson ra sapi' buoi tulu' ngambilor. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.”

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

DANIL 5:21

Pinagiru' io intor ra ulun manampagun, am utok nano nasauk koson ra utok ru bibiag. Minayan io simpung ra kaladai, nangakan ra sakot koson ra sapi', am nombolong ra tana' malimparang saboi inan nano naasa' ru bolobou. Pupus no nangiou io ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am mangani' Io ra pamarintaan no ra osoi ayuk kasagaan Nano.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

PINAINTALANG 11:6

Mokoondo' ilo ra kuasa' mangangob ra limbowon ti saboi kalo boo rumasam buoi ilo mampabala' ra tanou intor ri Aki Kapuuno'. Mokoondo' ilo niayuk ra kuasa' ra ngaangai' taur ru timug, koson makapangulau ra timug no masauk ra raraa'. Mokoondo' ilo niayuk ra kuasa' mambaal ra nansalinut kapaganan malaat ra tana' sasanggilan ayuk maya' ayuk ra kasagaan nilo galama'.

PINAINTALANG 8:8

Malaikat karuo no nanamput ra bujung nano. Mokoondo' boo koson ra gunung maayo siminimbula' pinapatir ra raat. Sampitalu ru raat no masauk ra raraa'.