KAINGKUALAN 7:16 - Tanou Moonsoi Timugon

¹⁶ Ragui' raja' no, ‘Tuhan i Aki Kapuuno' ru ulun ru Ibrani nanusub raki' koson mapasaboi ra bala' Nano rirun raja' maa' raginio mangiou kou ra ulun Nano mongoi sambayang Riso giu' ra tana' kaagisan. Kaa' saboi raino, okou raja' lakat poyo marara' mangining ra bala' no.

KAINGKUALAN 7:16 Iomraidhean Croise

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 13:15

Paat bambalingatan raja' ru Misir am manginga' ritakau mugar, namatoi Tuhan ra moonong anak ungkuyon katuaan am moonong anak ungkuyon katuaan bibiag tinambiag giu' ra Misir. Ginio sabap ra mapataak takau ra moonong anak ungkuyon katuaan bibiag tinambiag koson taak simbalui ra Tuhan, kaa' pulion takau anak ungkuyon katuaan takau.

KAINGKUALAN 14:5

Kabalai' raja' ru Misir ra nagigiru' ulun ru Israil, nababaya' raja' no ra pagawai nano nangulau ra pangkaraan, am indagu, “Atan binaal takau? Nopoloso takau ra ulun ru Israil nagigiru' saboi natatakan takau ra inulipon.”

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 3:13

Kaa' indagu i Musa, “Amon ru makatuum aku ra ulun ru Israil am mindagu risilo, ‘I Aki Kapuuno' ru kinamatuaan min nanusub raki'’, mangkuot ilo, ‘Osoi kia inggalan nali?’ Atan moonsoi paraguon kuno risilo?”

KAINGKUALAN 3:18

Ulun Kuno mangining ra ragu muno. Mongoi kou toojo uma' ra raja' ru Misir mabaya' ra tingganai-tingganai ru ulun ru Israil no am mindagu riso, ‘Tuhan i Aki Kapuuno' ru ulun ru Ibrani minintalang noyo ramon. Raino iowo' akai no mugar buoi talu ngoorou pangkiralanan mongoi ra tana' kaagisan, mampataak ra taak simbalui ra Tuhan i Aki Kapuuno' mai.’

KAINGKUALAN 4:22

Indagu ra raja' no ra Aku Tuhan mindagu koson ragitio, ‘Israil noyo anak katuaan Kuno.

KAINGKUALAN 4:23

Nanusub Aku noyo rirun ra makataak ra anak Kuno mugar maa' raginio makasamba io Raki', kaa' marara' kou. Raino potoyon Ku anak ungkuyon katuaan muno.’ ”

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

KAINGKUALAN 8:1

Indagu boo Tuhan ri Musa, “Ongoi tuum ra raja' am balai' io ra ragu ru Tuhan, ‘Paugaro' noyo ulun Kuno maa' raginio makasambayang ilo Raki'.

KAINGKUALAN 8:20

Indagu Tuhan ri Musa, “Ongoi noyo tuum ra raja' rumondom ra susuab no paat ra io mongoi ra sungoi. Balai' io ra indagu Tuhan, ‘Paugaro' noyo ulun Kuno mongoi sambayang Raki'.

KAINGKUALAN 9:1

Indagu Tuhan ri Musa, “Ongoi noyo tuum ra raja' am balai' io ra Tuhan i Aki Kapuuno' ru ulun ru Ibrani mindagu, ‘Paugaro' noyo ulun Kuno maa' raginio makasambayang ilo Raki'.

KAINGKUALAN 9:13

Indagu boo Tuhan ri Musa, “Ongoi noyo tuum ra raja' rumondom ra susuab no, am balai' io ra Tuhan i Aki Kapuuno' ru ulun ru Ibrani mindagu, ‘Paugaro' noyo ulun Kuno maa' raginio makasambayang ilo Raki'.

JISAYA 45:13

Aku noyo nanusub ri Koris koson mapaugar ra kasagaan Kuno am mapaundok ra katimpakan. Moonong ralan ra bayaan nano rataan Ku. Baalon no sagulio' bandar Kuno Jirusalim am mapalabus ra ulun Kuno ondo' rinakop, kolondo' rasua am kalo kibayarin.” Tuhan Ondo' Maayo Kaga' Kuasa' minindagu noyo.

JIRIMIA 50:33

Indagu Tuhan Ondo' Maayo Kaga' Kuasa', “Ulun ru Israil am Jiuda inimbolo'. Ngaangai' ondo' namparakop risilo nagalung toojo risilo am marara' mampalabus risilo.