KAINGKUALAN 6:7 - Tanou Moonsoi Timugon

⁷ Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

KAINGKUALAN 6:7 Iomraidhean Croise

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

1 RAJA'-RAJA' 20:28

Sangulun nabi minuma' ra Raja' Agab am indagu, “Koon raginio ragu ru Tuhan: ‘Sabap no ra ulun ru Siria minindagu ra Aku ayuk makakuasa' giu' ra gunung am kalo makakuasa' giu' ra tana' marata', manaak Aku rirun ra kamanangan ra saujor nilo ondo' masuang kaga' no. Okou am mamagun muno makapandai ra Aku noyo Tuhan.’ ”

1 RAJA'-RAJA' 8:60

Koon raginio ra ngaangai' bansa' ra tana' ti makapandai ra Tuhan ayuk i Aki Kapuuno', am kolondo' bokon.

NIGIMIA 1:10

Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo.

MAZMUR 100:3

Iowo' noyo ra Tuhan no i Aki Kapuuno'. Io namangun ritakau, am itakau longgom Nano; itakau ulun Nano, bansa' ra inalungan Nano.

MAZMUR 81:6

Pataakon No ukum Nano ra ulun ru Israil, bulintok ra Io mamulunsar ra pagun ru Misir. Morongog ku bolos ra kalo mauligan ku mindagu,

KAINGKUALAN 13:14

Paat ra orou matong, paat ra mangkuot anak ungkuyon mino ra arati' ru ngaangai' ti, musiti' min taamon koson ragitio, ‘Ralalom ru kuasa' ondo' maayo, inibit takau ru Tuhan miningkual intor ra Misir, intok itakau inulipon.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 14:18

Paat ra kalaan Ku ilo, makapandai ulun ru Misir ra Aku noyo Tuhan.”

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 15:16

Talou am laa' lumumpa' risilo. Nakito nilo ikang Muno, iou Tuhan, kalo makalulu' ilo sabap ra matalou, saboi ulun Muno nansail ra saang nilo – ulun ondo' pinalabus Muno intor ra pangulipanan.

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

KAINGKUALAN 16:12

“Naining Ku noyo butok ru ulun ru Israil. Ragui' ilo, ra tampilon ra mai' ti makaalap ilo ra kual ra akanon, am tampilon ra susuab ti makaalap ilo ra ruti' masuang ondo' gogoton nilo. Ginio ra makapandai ilo ra Aku noyo Tuhan i Aki Kapuuno' nilo.”

KAINGKUALAN 16:6

Ginio ra kon ri Musa am i Arun ra ngaangai' ulun ru Israil, “Tampilon ra mai' ru raiti' makapandai kau ra Tuhan raginio noyo ondo' nagibit ramuyun mingkual intor ra Misir.

KAINGKUALAN 2:11

Paat ri Musa nasukor noyo, ingkual io koson mongoi pagilong ra ulun ru Ibrani ondo' rondo' bansa' riso. Nakito no ati kulaan ilo jinajalan mangandoi ra maagat. Nakito niayuk ri Musa ra napalamba' sangulun Misir ra sangulun Ibrani ondo' rondo' bansa' ri Musa galama'.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 7:17

Ginio ra indagu Tuhan ra makapandai kou raja' ra osoi Tuhan no intor ra atan ondo' binaal Nano. Ilai' noyo, lambaan ku timug ru sungoi ra jujuga' ti, am makulau timug no sumauk ra raraa'.

JISAYA 41:20

Ngaangai' ulun pana magilong riso am makapandai ra Aku, Tuhan, ondo' nambaal no. Urioon nilo am mangarati' ra i Aki Kapuuno' ru Israil, Aki Kapuuno' ondo' matulai nambaal no.”

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JISAYA 51:15

Sabap ra Aku noyo Tuhan, i Aki Kapuuno' mino, ondo' nanguyau ra raat saboi kinulun nano makanginoos. Tuhan Ondo' Maayo Kaga' Kuasa' iono inggalan Kuno.

JISAYA 60:16

Bansa'-bansa' am raja'-raja' magalung rirun, koson ra sangulun ina' magalung ra anak nano. Makapandai kou ra Aku, Tuhan, Mamamayag rirun, am ra i Aki Kapuuno' ru Israil, i Aki Kapuuno' Ondo' Maayo Kaga' Kuasa', Mamumuli' rirun.

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

YEHEZKIEL 20:19

Aku, Tuhan i Aki Kapuuno' min. Gagaya' kano ra ukum am susuban Kuno.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

IMAMAT 11:44

Aku noyo Tuhan i Aki Kapuuno' min; pagilalain min maa' raginio magulayun kau matulai, sabap ra Aku ti matulai.

IMAMAT 11:45

Aku noyo Tuhan ondo' nagibit ramuyun miningkual intor ra Misir, maa' raginio masauk Aku ri Aki Kapuuno' mino. Musiti' kau matulai sabap ra Aku ti matulai.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

UNTABAN 15:41

Aku noyo Tuhan i Aki Kapuuno' min; nagibit Aku ramuyun miningkual intor ra Misir maa' raginio masauk Aku ri Aki Kapuuno' min. Aku noyo Tuhan.”

MATIUS 22:32

‘Aku noyo i Aki Kapuuno' ondo' sambaan ri Abragam, i Isak am i Jakub.’ Arati' no i Aki Kapuuno' sambaan ru ulun maayag, sala' ka sambaan Io ru ulun minatoi.”

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

SAGULION 14:2

Akau longgom ru Tuhan i Aki Kapuuno' min; nampili' Io noyo ramuyun sinauk ra ulun Nano galama', intor ra ngaangai' bansa' ondo' minayan ra tana' ti.”

SAGULION 26:18

Paat ra orou raiti' niayuk Tuhan nangapu ramuyun koson ra ulun Nano galama' koson ra binantu' Nano, am nanusub Io ramuyun maa' raginio gumagaya' ra ngaangai' ukum Nano.

SAGULION 29:12

Soroi kau ragiti paat ra orou raiti' koson mambaal ra nabantuan ondo' binaal ru Tuhan i Aki Kapuuno' mino ramuyun, am koson mangapu ra kandoi-kandoi inaru'.

SAGULION 29:13

Ra nabantuan raginio, nangiou Tuhan ramuyun masauk ra ulun Nano, am nasauk Io ri Aki Kapuuno' min, koson ondo' binantu' Nano ramuyun am ra kinamatuaan min, i Abragam, i Isak am i Jakub.

SAGULION 29:5

Buoi apat ngoopor ngambilor paat Tuhan naningganai ramuyun mansail ra tana' kaagisan, bayang am kasut min kalo naapu'.

SAGULION 4:20

Kaa' akau iono bansa' ondo' binayag Nano intor ra Misir, intok koson ra rapuan mampaliou ra basi' ondo' mapaang. Nagibit Io ramuyun miningkual intor ra pagun raginio maa' raginio masauk kau ra ulun Nano galama' koson ra baal min ra orou raiti'.

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

1 PITRUS 2:10

Ragili, akau sala' ka ulun ri Aki Kapuuno', kaa' raino siminauk kano boo ra ulun Nano. Am poyo ragili, pai' ru nakaulig kau ra asi' Nano, kaa' raino ti inasian kau boo.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.