KAINGKUALAN 6:6 - Tanou Moonsoi Timugon

⁶ Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 6:6 Iomraidhean Croise

2 RAJA'-RAJA' 17:36

Gagaya' kano Raki', Tuhan ondo' nagibit ramuyun miningkual intor ra Misir ra kuasa' am kaikangan ondo' maayo; igulatur kano am pampataak ra taak simbalui Raki'.

1 TUNUNG RU BANSA' ISRAIL 17:21

Giti ra titikop ru tana' ti kolondo' bansa' koson ra Israil, ondo' binayag Mu intor ra pangulipanan, koson mampasauk risilo ra ulun Muno galama'. Binaal maayo am makaimuag ondo' binaal Muno risilo, mampasauk ra inggalan Muno mauligan kaga' ra titikop ru tana' ti. Pinalabus Mu ulun Muno intor ra Misir, am napagiru' ra bansa'-bansa' ra bokon paat ra ulun Muno minongoi pangayou.

NIGIMIA 1:10

Iou Tuhan, ilo ti ulipon Muno, ulun Muno galama'. Binayag Mu noyo ilo ra kuasa' am ikang Muno ondo' maayo.

MAZMUR 77:16

Ralalom ru kuasa' Muno, namayag Kou ra ulun Muno, papag ri Jakub am i Jusup.

MAZMUR 81:11

Aku noyo Tuhan, i Aki Kapuuno' min, ondo' nagibit ramuyun miningkual intor ra Misir. Kabang kau am paakanon Takamin.

MAZMUR 81:6

Pataakon No ukum Nano ra ulun ru Israil, bulintok ra Io mamulunsar ra pagun ru Misir. Morongog ku bolos ra kalo mauligan ku mindagu,

MAZMUR 81:7

“Kinayang ku noyo sinaanan mino; am mapalabus ramuyun intor ra kandoi pajajalin.

KAINGKUALAN 1:11

Ginio ra pangalap ulun ru Misir ra kukula' ngaulun tingganai ru ulipon koson mangimbolo' ra ulun ru Israil ra kandoi maagat. Jajalin ulun ru Israil mambaal ra bandar Pitom am Ramsis ondo' saukon ra pusor pambulian ra kuliamos tayar ru raja' ru Misir.

KAINGKUALAN 12:41

Kaukop bilor ra ka 430, ngaangai' bansa' intor ra ulun ru Tuhan nangiruan ra pagun ru Misir.

KAINGKUALAN 12:51

Paat orou raginio magibit Tuhan ra ngaangai' bansa' ru Israil mingkual intor ra Misir.

KAINGKUALAN 13:14

Paat ra orou matong, paat ra mangkuot anak ungkuyon mino ra arati' ru ngaangai' ti, musiti' min taamon koson ragitio, ‘Ralalom ru kuasa' ondo' maayo, inibit takau ru Tuhan miningkual intor ra Misir, intok itakau inulipon.

KAINGKUALAN 13:16

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas takau, koson mapakara' ritakau ra inibit takau ru Tuhan mingkual intor ra Misir ralalom ru kuasa' Nano ondo' maayo.’ ”

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 15:13

Naningganai Kou ra ulun ondo' binayag Muno, sabap ra gagaya' Muno ra bantu' Muno. Ra ikang Muno ondo' maayo, naningganai Kou risilo mongoi ra tana' Muno ondo' matulai.

KAINGKUALAN 16:6

Ginio ra kon ri Musa am i Arun ra ngaangai' ulun ru Israil, “Tampilon ra mai' ru raiti' makapandai kau ra Tuhan raginio noyo ondo' nagibit ramuyun mingkual intor ra Misir.

KAINGKUALAN 18:1

I Jitro, iwan ri Musa, imam giu' ra Midian, nakaining ra ngaangai' ondo' binaal ri Aki Kapuuno' tayar ri Musa am ulun ru Israil no paat ra Tuhan nagibit risilo miningkual intor ra Misir.

KAINGKUALAN 2:11

Paat ri Musa nasukor noyo, ingkual io koson mongoi pagilong ra ulun ru Ibrani ondo' rondo' bansa' riso. Nakito no ati kulaan ilo jinajalan mangandoi ra maagat. Nakito niayuk ri Musa ra napalamba' sangulun Misir ra sangulun Ibrani ondo' rondo' bansa' ri Musa galama'.

KAINGKUALAN 3:17

Napatas Ku noyo magibit risilo mingkual intor ra Misir, intok ilo inimbolo', am magibit risilo mongoi ra rondo' tana' ondo' langkaya' am malabung, iono pagun ru ulun ru Kanaan, Git, Amori, Piris, Giwi am Jibusi.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 32:11

Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

KAINGKUALAN 6:2

Indagu i Aki Kapuuno' ri Musa, “Aku noyo Tuhan.

KAINGKUALAN 6:29

indagu Tuhan, “Aku noyo Tuhan. Pambala' ra raja' ru Misir ra ngaangai' rinagu Kuno rirun.”

KAINGKUALAN 6:8

Magibit Aku ramuyun mongoi ra pagun ondo' binantu' Kuno ra ibot koson pataakon Ku ri Abragam, ri Isak am ri Jakub. Mapataak Aku ra tana' no ramuyun ra longgom min. Aku noyo Tuhan.’ ”

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

KAINGKUALAN 7:5

Makapandai boo ulun ru Misir ra Aku noyo Tuhan paat ra Aku mangukum risilo am magibit ra ulun ru Israil mingkual intor ra pagun ru Misir.”

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 21:5

Mangayou Aku ramuyun ra sototopot ru ikang am sangit ondo' lumuab-luab.

JIRIMIA 27:5

“Mabaya' ra kuasa' Kuno ondo' maayo am mabaya' ra kaikangan Kuno, inangun Ku tana' ti, ulun am ngaangai' bibiag ra tana' ti; makapangani' Aku ra ngaangai' no ra osoi ayuk ondo' kasagaan Kuno.

JIRIMIA 32:21

Inibit Mu ulun ru Israil miningkual intor ra Misir ra kuasa' am kaikangan Muno. Nambaal Kou ra kaimuagan am baal-baal makaimuag ondo' nampakalalaa' ra pantula'.

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

RINALATAN 13:17

Nangaru' i Aki Kapuuno' ra kinamatuaan takali masauk ra bansa' kauligan toojo, paat ra ilo pinaayan giu' ra Misir koson ra ulun bansa' ru bokon. Ra kuasa' maayo Nano, nampalabus i Aki Kapuuno' risilo intor ra Misir i.

SAGULION 11:2

Paat orou raiti' karaa' atan ondo' napandayan min intor ra Tuhan intor ra nailian min. Akau noyo am sala' ka anak-anak mino ondo' makanailian raginio. Nakito min noyo kinaayo ru Tuhan, kaikangan Nano, kuasa' Nano,

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 26:8

Ra kuasa' am kaikangan Nano ondo' maayo namayag Io ramon intor ra Misir. Nambaal io ra kaimuagan, am baal makaimuag, am niayuk baal ondo' makalalaa'.

SAGULION 4:23

Karaa' noyo toojo! Pai' liliani' nabantuan ondo' binaal ru Tuhan i Aki Kapuuno' min ramuyun. Gagayaa' susuban Nano; pai' noyo lingon pambaal ra sinungkalalaing ralalom atan pana baal no ra tayar ramuyun,

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

SAGULION 7:19

Karaa' noyo karaat makalalaa' ondo' nakito min ra mato galama', kaimuagan am tatandu', am niayuk kuasa' maayo am kinapanggol ondo' pinakai ru Tuhan i Aki Kapuuno' min koson mapalabus ramuyun. Koson ra Io namuso ra ulun ru Misir ra galing i, koson niayuk raginio io mamuso ra ngaangai' bansa' ondo' kalaanin min raino.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

SAGULION 9:29

Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”