KAINGKUALAN 6:26 - Tanou Moonsoi Timugon

²⁶ I Arun am i Musa noyo ondo' sinusub ru Tuhan koson magibit ra ulun ru Israil mingkual intor ra Misir.

KAINGKUALAN 6:26 Iomraidhean Croise

KASAUKAN 2:1

Ginio noyo baal ru napasaukan ra limbowon am tana' ti am ngaangai' suang no.

1 TUNUNG RU BANSA' ISRAIL 6:3

I Amram mokoondo' ruo anak ungkuyon: Arun am Musa, am sangulun anak ruandu' ininggalanan ri Miriam. I Arun mokoondo' apat anak ungkuyon: Nadab, Abigu, Iliajar am Itamar.

MAZMUR 77:20

Mugar Kou maya' ra kinulun ru raat, lumaup Kou ra raat ondo' malandom, kaa' kalo makito baya' ru kalayam Muno.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

KAINGKUALAN 12:17

Iantakon noyo Pangiantakan Ruti' Kalo Linatakan ra Ragi, sabap ra paat ra orou raginio magibit Aku ra bansa' mino mingkual intor ra Misir. Iantakon noyo orou raginio koson pangiantakan ra moonong bilor koson ra sabuoi-buoi no.

KAINGKUALAN 12:41

Kaukop bilor ra ka 430, ngaangai' bansa' intor ra ulun ru Tuhan nangiruan ra pagun ru Misir.

KAINGKUALAN 12:51

Paat orou raginio magibit Tuhan ra ngaangai' bansa' ru Israil mingkual intor ra Misir.

KAINGKUALAN 13:18

Ginio ra nagibit Io risilo ra ralan lumimpuong mansail ra tana' kaagisan mongoi ra Raat Galaga. Paat ra ulun ru Israil nangiruan ra Misir, nanakinandoi ilo koson mongoi pangayou.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

KAINGKUALAN 32:11

Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

KAINGKUALAN 6:13

Kaa' indagu Tuhan ri Musa am i Arun, “Balai' noyo ulun-ulun ru Israil am raja' ru Misir ra nanusub Aku ramuyun koson maningganai ra ulun-ulun ru Israil no mingkual intor ra Misir.”

KAINGKUALAN 6:20

I Amram nagandu' ri Jokgibid, boborok ruandu' ru ama' nano; anak nilo iono i Arun am i Musa. Naayag i Amram buoi 137 ngambilor.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

KAINGKUALAN 7:4

Mangukum Aku boo ra pagun no ra makalalaa', am magibit ra ulun Kuno Israil mingkual intor ra Misir.

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

UNTABAN 33:1

Kopongo ulun ru Israil nangiruan ra Misir, ralalom barisan sumugut ra bansa' ru sigagama' tiningganai ri Musa am i Arun, nangkim ilo ra kukula' intok.

JOSUA 24:5

Aku pana nanusub ri Musa am niayuk i Arun, am naparatong Aku ra kalaatan maayo ra Misir, kaa' naningganai Aku ramuyun miningkual intor ra intok raginio.

1 SAMUIL 12:6

Rinayus poyo ri Samuil, “Nampili' noyo Tuhan ri Musa am i Arun. Io niayuk nagibit noyo ra kinamatuaan mini miningkual intor ra Misir.

1 SAMUIL 12:8

Paat ri Jakub am sasambaloi nano minongoi ra Misir, am paat ra ulun ru Misir nangimbolo' risilo, kinamatuaan nilai nampiau nakiindangan ra Tuhan. Ginio ra nanusub Tuhan ri Musa am i Arun koson naningganai risilo miningkual intor ra Misir, am niayuk nangindangan risilo liminayun ra pagun ragitio.