KAINGKUALAN 5:2 - Tanou Moonsoi Timugon

² “Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

KAINGKUALAN 5:2 Iomraidhean Croise

2 RAJA'-RAJA' 18:35

Ati kia ra dewa ondo' nakaili' namayag ra pagun nano intor ra raja' mai? Kua kia pangkara' kau ra Tuhan no makapamayag ra Jirusalim?”

2 TUNUNG RU BANSA' ISRAIL 32:14

Osoi kia ra dewa-dewa ra bansa'-bansa' ru bokon no nakaili' mamayag ra pagun nilo intor ramon? Dewa min kalo lair makapamayag ramuyun.

2 TUNUNG RU BANSA' ISRAIL 32:15

Pai' polosoo' Raja' Gijkia mamparuung kapoam mampalayau ramuyun. Pai' pangintopot riso! Kalo poyo igondo' dewa ru bansa' ra ati pana masaga' mamayag ra pagun nano intor ra raja' ru pagun ru Asyur. Dewa mino pana maaru' kalo makapamayag ramuyun!”

2 TUNUNG RU BANSA' ISRAIL 32:19

Nabaya' ra ragu-ragu, pinogondo' nilo ri Aki Kapuuno' ondo' sambaan giu' ra Jirusalim ra dewa-dewa ru bansa' ra bokon, iono sinungkalalaing binaal ru ulun.

NIGIMIA 9:10

Nambaal Kou ra kaimuagan ondo' makaimuag, koson manggal ra raja', pagawai am mamagun ru raja', sabap ra Okou nakapandai ati kulaan ulun Muno inimbolo' nilo. Ginio ra inggalan Muno maayo kaga' saboi orou raiti'.

AYUP 15:25

Ginio noyo pupus ru ulun ondo' baani manggal ri Aki Kapuuno', am manggal ri Io Ondo' Maayo Kaga' Kuasa'.

AYUP 15:26

Lumimbau ilo am masaga' gumuor; mabaya' ra bambalingatan mangkayang ilo ra perisai am maagou-agou manggal ri Aki Kapuuno'.

AYUP 21:15

Mangkara' ilo ra kolondo' onong mangandoi ayuk ri Aki Kapuuno' am kolondo' onong makiasi' Riso.

MAZMUR 10:4

Ulun malaat kalo mampalio ra Tuhan; sabap ra ilo malilimbau, pangkaraan nilo i Aki Kapuuno' no kolondo'.

MAZMUR 12:4

Langgai' noyo taligamis raginio, iou Tuhan, am pororoo' noyo kabang ra maayo ragu,

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 14:1

Ra tingganai santimungan maririmbai. Mazmur ri Daut. Ulun budu mindagu ralalom ru guang, “Kolondo' i Aki Kapuuno'.” Ngaangai' ilo malaat am masaga' ilo mambaal ra malaat; Kolondo' sangulun pana mambaal ra moonsoi.

KAINGKUALAN 3:19

Nakapandai Aku ra raja' ru Misir kalo mapaugar ramuyun, ondo' ayuk am ru jajalin io mambaal raginio.

KAINGKUALAN 7:17

Ginio ra indagu Tuhan ra makapandai kou raja' ra osoi Tuhan no intor ra atan ondo' binaal Nano. Ilai' noyo, lambaan ku timug ru sungoi ra jujuga' ti, am makulau timug no sumauk ra raraa'.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

JIRIMIA 42:13

Kaa' akau ondo' lakat poyo soroi giu' ra Jiuda musiti' gumagaya' ra Tuhan, i Aki Kapuuno' min am masaga' mayan ra pagun ti. Kalo paindaguon kau ra, ‘Masaga' akai mongoi ra Misir am mayan ra giu' no, maa' raginio kalo boo makaaya' ra pangayawan, kalo mokorongog ra bolos ru bujung samputin ondo' mampiau koson mangayou am kalo maimbolo' ra bitilan.’ Amon ru mindagu kau koon raginio, gitio noyo ragu ru Tuhan Ondo' Maayo Kaga' Kuasa', i Aki Kapuuno' ru Israil, ‘Amon ru gumogot kau mongoi ra Misir am mayan ra giu' no,

JIRIMIA 48:26

Indagu Tuhan, “Liminimbau Moab Raki', ginio ra gaukon io. Magiluluir Moab ra ralalom ru lua' nano galama', am kuritin boo ru ulun.

DANIL 3:15

Raino paat ra akau mokorongog ra bolos ru bujung, suling, rebab, gambus, jitor am kuliamos ru miujik ra bokon, migulatur kau am samba ra sinungkalalaing no. Amon ru kalo, indibakin kau papatiron ra rapuan ondo' bibilak. Ati kia ra dewa ondo' makapamayag ramuyun?”

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

TINGGANAI RU BANSA' 2:10

Kopongo raginio ngaangai' ulun ru Israil intor ra sukor raginio minatoi. Sukor bagu kalo nakaulig ra Tuhan sabap kalo nakaili' ilo ra atan ondo' binaal ru Tuhan tayar ru Israil.

1 SAMUIL 2:12

Anak-anak ri Ili malaat kaga'. Kalo mampalio ilo ra Tuhan.

1 SAMUIL 25:10

Taam i Nabal, “I Daut? Osoi kia io? Osoi kia anak ri Isai no? Kalo poyo igondo' aku pakaining intor riso? Pupupus ti, mokoondo' masuang ulipon nagigiru' intor ra tingganai nangandayan nilono giti ra pagun ti!