KAINGKUALAN 40:10 - Tanou Moonsoi Timugon

¹⁰ Mopongo raginio patimpokon altar am ngaangai' kuliamos no ra luitin ra umau upacara, am ngaangai' no masauk ra totopot matulai.

KAINGKUALAN 40:10 Iomraidhean Croise

KAINGKUALAN 30:29

Musiti' mu patimpokon ngaangai' kuliamos no am koson raginio ralan no, am ngaangai' no totopot matulai. Atan ayuk makatiu' ra kuliamos no musiti' pataakon ra Tuhan, am osoi ayuk mangambong ra ngaangai' no mausung sabap ra kaikangan ru kapasawan no.

KAINGKUALAN 40:11

Patimpokon niayuk bisin ru timug am antulan no ra nogondo' ralan no.

JISAYA 11:2

Kuasa' ru Tuhan manaak riso ra kapintaran am niayuk katutunan am kapintaran koson mamarinta ra ulun nano. Makaulig io ra kasagaan ru Tuhan am mangurumat Riso.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

IMAMAT 8:11

Alap io ra sanganu intor ra umau no am patakiso' no intulu' ra rasawat ru altar am kuliamos no, am niayuk ra bisin am niayuk antulan no, koson patimpokon ngaangai' no ra Tuhan.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

JUANIS 3:34

Io ondo' sinusub ri Aki Kapuuno' mampasaboi ra ragu Nano, sabap ra kalo palasin i Aki Kapuuno' mangani' Riso ra Ambiluo Nano.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.