KAINGKUALAN 4:21 - Tanou Moonsoi Timugon

²¹ Indagu poyo Tuhan ri Musa, “Nangani' Aku noyo rirun ra kuasa' mambaal ra kaimuagan-kaimuagan. Ginio ra makasaboi kou ra Misir, baalo' ngaangai' kaimuagan ra saang ru raja' ru Misir. Kaa' mangkinibit Aku riso bambalingatan, saboi kalo makataak io ra ulun raginilo mugar.

KAINGKUALAN 4:21 Iomraidhean Croise

KASAUKAN 6:3

Tuhan pana mindagu boo, “Kalo polosoon Ku ulun maayag ra sabubuoi; ilo ulun mapandai matoi. Intor raino ti, umur nilo kalo masailan intor ra 120 ngambilor.”

1 RAJA'-RAJA' 22:22

‘Ati kulaan?’ Taam ambiluo no, ‘Mangkinibit aku ra ngaangai' nabi ri Agab no magabau.’ Indagu Tuhan, ‘Ongoyo' noyo ruungo' io. Makasugut kou.’ ”

MAZMUR 105:25

Tuhan noyo nangkinibit ra ulun ru Misir masisang ra ulun Nano, bansa' ru Misir namparuung ra ulipon-ulipon Nano.

MAZMUR 78:43

bulintok Io napakito ra ngaangai' baal kaimuagan giu' ra Misir, am baal kaimuagan giu' ra tana' marata' ru Joan.

KAINGKUALAN 10:1

Indagu boo Tuhan ri Musa, “Ongoi noyo tuum ra raja'. Aku nangkinibit riso am pagawai nano bambalingatan, maa' raginio mabaal Ku kaimuagan-kaimuagan ti ra tatanga' nilo,

KAINGKUALAN 10:20

Kaa' nangkinibit Tuhan no ra raja' nagulayun bambalingatan, am kalo mapaugar raja' no ra ulun ru Israil.

KAINGKUALAN 10:27

Nangkinibit Tuhan ra raja' bambalingatan saboi kalo mapaugar ra ulun ru Israil.

KAINGKUALAN 11:10

Nambaal i Musa am i Arun ra ngaangai' kaimuagan ra saang ru raja', kaa' nangkinibit Tuhan ra bambalingatan raja' no, saboi kalo mangiou raja' ra ulun ru Israil mangiruan ra pagun nano.

KAINGKUALAN 11:9

Indagu Tuhan ri Musa, “Kalo mangining raja' no ra ragu muno, maa' raginio mabaal Ku masuang poyo kaimuagan no ra pagun ru Misir.”

KAINGKUALAN 14:17

Mangkinibit Aku ra ulun ru Misir bambalingatan kaga' saboi mangilou ilo ra ulun ru Israil, am poyo ralalom ru raat pana. Kamanangan Kuno ra raja' ru Misir, saujor nano, kurita' kuda nano am mapaugar ra kurita' kuda nano maparatong ra pangurumatan Raki'.

KAINGKUALAN 14:4

Mangkinibit Aku ra raja' ru Misir bambalingatan saboi mangilou io ramuyun; kamanangan Kuno ra raja' no maparatong ra pangurumatan Raki'. Makapandai boo ulun ru Misir ra Aku noyo Tuhan.” Nambaal ulun ru Israil ra atan ondo' nanusuban risilo.

KAINGKUALAN 14:8

Nangkinibit Tuhan ra bambalingatan raja', saboi nangilou raja' ra ulun ru Israil ondo' tatanga' pangkiralanan mangiruan ra intok no ra kamanangan.

KAINGKUALAN 3:19

Nakapandai Aku ra raja' ru Misir kalo mapaugar ramuyun, ondo' ayuk am ru jajalin io mambaal raginio.

KAINGKUALAN 3:20

Kaa' mamakai Aku ra kuasa' Kuno am mangukum ra ulun ru Misir am mambaal ra sauk ondo' makalalaa' ra giu' no. Mopongo raginio paugaron no akau.

KAINGKUALAN 7:13

Kaa' bambalingatan noyo raja' am marara' mangining ra ragu ri Musa am i Arun, koson ra rinagu noyo ru Tuhan.

KAINGKUALAN 7:3

Kaa' mangkinibit Aku ra raja' no bambalingatan, am kalo mangining ra ondo' raguon muno, kabalu' pana maparatong Aku ra masuang karaat ra Misir.

KAINGKUALAN 8:11

Antit-antit no painggaluron intor rirun raja', baloi muno, pagawai muno am mamagun muno. Kolondo' boo antit soroi ondo' ayuk am soroi ralalom ru Sungoi Nil.”

KAINGKUALAN 8:15

Paat ra nakito ru raja' ra minatoi noyo ngaangai' antit, bambalingatan saguli' raja'. Marara' raja' mangining ra ragu ri Musa am i Arun koson ra rinagu ru Tuhan.

KAINGKUALAN 8:32

Kaa' raino ti pana bambalingatan raja' am marara' mapaugar ra bansa' no.

KAINGKUALAN 9:12

Kaa' nangkinibit Tuhan ra bambalingatan raja', am koson ra rinagu ru Tuhan, marara' raja' mangining ra ragu ri Musa am i Arun.

KAINGKUALAN 9:35

Mogondo' ra rinagu ru Tuhan ondo' pinabala' galing ri Musa, kalo mapaugar raja' ra ulun ru Israil.

JISAYA 6:10

Indagu Io boo raki', “Ngongolo' pangkaraan ru ulun ti, barato' talingo nilono am bolowo' mato nilono maa' raginio kalo makakito ilo, kapoam mokorongog, kapoam makarati'. Amon kalo koson raginio, maaru' lair sumaguli' ilo Raki' am babason.”

JISAYA 63:17

Kaa' ragino kua polosoo' Mu akai makalayau? Kua polosoo' Mu akai bambalingatan saboi akai kalo malaa' Rirun? Saguli' no ramon, sabap risilo ondo' mangandoi Rirun, am sabap risilo ondo' masalok masauk ra longgom Muno.

JUANIS 12:40

“Nompokoolou i Aki Kapuuno' ra mato nilai, am nambaal risilo mailo mangarati'; koson mato nilai kalo makakito, am guang nilai pana kalo makarati'; am kalo sumaguli' ilo ra Tuhan, koson babason No ilo.”

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 9:18

Ginio nai ra, amon ru masaga' i Aki Kapuuno' makaasi' ra sasangulun, ginio baalon No. Am poyo, amon ru masaga' Io mambaal ra sasangulun mokotog ulu, ginio baalon No.

SAGULION 2:36

Tuhan i Aki Kapuuno' takau nangindangan ritakau nampagaau ra ngaangai' bandar, intor ra Aroir giu' ra pompor ru limayak Arnon, am bandar ondo' giu' ra tanga' ru limayak no saboi ra libung Giliad. Kolondo' rondo' pana bandar makatimbok ondo' mapiot kaga' ritakau.

JOSUA 11:20

Tuhan nambaal risilo miningkotog mangayou ra ulun ru Israil, maa' raginio makai' ilo pusoon am potoyon ra kolondo' guang makaasi'. Ginio noyo ondo' nanusuban ru Tuhan ri Musa.

1 PITRUS 2:8

Tinulisan poyo ra Buuk Kitab, “Gitio noyo batu kasaruan ru ulun, batu kalauban nilo.” Koson ilo ra ulun makasaru ra batu, sabap ra kalo gumagaya' ilo ra bala' ri Aki Kapuuno'. Ginio noyo ondo' inaru' ri Aki Kapuuno' no risilo.