KAINGKUALAN 4:13 - Tanou Moonsoi Timugon

¹³ Taam i Musa, “Iou Tuhan, makitaak aku susubo' noyo ulun ra bokon.”

KAINGKUALAN 4:13 Iomraidhean Croise

KASAUKAN 24:7

Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 41:35

Susubo' ilo manimung ra ngaangai' akanon buoi ru tulu' ngambilor mangaulian no, am anii' ilo ra kuasa' mambuli ra gandum ra bandar-bandar am magalung raginio.

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

KAINGKUALAN 23:20

“Manusub Aku ra malaikat Kuno sumigulu ramuyun koson mangampin ramuyun ralalom pangkiralanan am magibit ramuyun ra intok ondo' tinampos Ku noyo.

KAINGKUALAN 4:1

Indagu boo i Musa ra Tuhan, “Ati kulaan boo amon ulun ru Israil kalo mangintopot raki' am marara' mampalio ra ragu-ragu kuno? Atan kia baalon kuno amon ru mindagu ilo ra Okou kalo minintalang raki'?”

KAINGKUALAN 4:12

Raino, ongoi noyo. Indanganon Tokou mindagu am mambala' rirun ra atan musiti' raguon muno.”

KAINGKUALAN 4:14

Sangit boo Tuhan ri Musa am indagu, “Ati kulaan nua' ru pagaka' muno i Arun, ulun ru Liwi no? Nakapandai Aku ra matanda' io mindagu. Sotopot no, tatanga' io mangkiralan mongoi ragiti, am maansukan io muma' rirun.

JIRIMIA 1:6

Taam aku, “Iou Tuhan Raja', kalo matanda' ra aku mindagu sabap ra aku ti lakat poyo mamulok.”

JIRIMIA 20:9

Kaa' paat ra aku mindagu, “Polosoon aku makalilian ra Tuhan, marara' aku boo mindagu ralalom ru inggalan Nano,” tanou Muno pana koson ra apui ondo' mapaang ralalom ru guang. Kinamin ku oroto', kaa' kalo boo magula' ku.

JUNUS 1:3

Kaa minongoi i Junus ra intok ru bokon koson minggalur ra Tuhan. Minongoi i Junus ra Jopi, am nakainamot ra kapal ondo' mongoi ra Sipanyol. Pakapambayar ra tambang, sakoi i Junus ra kapal; nasundoi io nababaya' ra ulun-ulun ru kapal mongoi ra Sipanyol, maa' raginio makainggalur io intor ra Tuhan.

JUNUS 1:6

Paat ra kaptin ru kapal i timinuun giu' ra ragana', natuum no i Junus nombolong ra giu'. Indagu kaptin i, “Ati koson kou mombolong ra baal ragitio? Karat no! Pakiasi' no makiindangan ra dewa muno. Maaru' lair makaasi' io ritakau, am kalo mapuso takau.”

MATIUS 13:41

Anak ru Ulun no manusub ra malaikat-malaikat Nano manimung intor ra Pamarintaan Nano ngaangai' ulun ondo' mangkinibit ra ulun makatula, am ngaangai' ulun ra bokon ondo' nambaal ra kalaatan.

JUANIS 6:29

Indagu i Jisus, “Gitio noyo baalon min koson sumugut ra kasagaan ri Aki Kapuuno'; pangintopot kano Riso ondo' sinusub ri Aki Kapuuno'.”

TINGGANAI RU BANSA' 2:1

Intor Malaikat ru Tuhan ra Gilgal minongoi ra Bokim, am indagu ra ulun ru Israil, “Nagibit Aku ramuyun miningkual intor ra Misir am naningganai ramuyun minongoi ra tana' ondo' binantu' Kuno ra kinamatuaan min. Indagu Aku, ‘Totopot kalo sulangon Ku nabantuan Kuno ramuyun.