KAINGKUALAN 4:1 - Tanou Moonsoi Timugon

¹ Indagu boo i Musa ra Tuhan, “Ati kulaan boo amon ulun ru Israil kalo mangintopot raki' am marara' mampalio ra ragu-ragu kuno? Atan kia baalon kuno amon ru mindagu ilo ra Okou kalo minintalang raki'?”

KAINGKUALAN 4:1 Iomraidhean Croise

1 RAJA'-RAJA' 13:3

Rinayus poyo ru nabi no ragu nano, “Mapuut altar ti, am kaau ondo' soroi ra rasawat no malayak. Ginio noyo inono' no ra minindagu Tuhan no ra pinabala' galing raki'.”

KAINGKUALAN 2:14

Taam ulun no, “Osoi napasauk rirun ra mangnguasa' am akim mai? Potoyon mu kia aku koson okou namatoi ra ulun ru Misir i?” Malaa' am mangkara' i Musa, “Maaru' napandayan noyo ru ulun binaal kuli.”

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

KAINGKUALAN 3:16

Ongoi noyo am timungo' tingganai-tingganai ru ulun ru Israil no am balai' ilo ra Aku, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub minintalang noyo rirun. Balai' ilo ra minatong Aku noyo risilo am nakakito noyo ra atan binaal ru ulun ru Misir risilo.

KAINGKUALAN 3:18

Ulun Kuno mangining ra ragu muno. Mongoi kou toojo uma' ra raja' ru Misir mabaya' ra tingganai-tingganai ru ulun ru Israil no am mindagu riso, ‘Tuhan i Aki Kapuuno' ru ulun ru Ibrani minintalang noyo ramon. Raino iowo' akai no mugar buoi talu ngoorou pangkiralanan mongoi ra tana' kaagisan, mampataak ra taak simbalui ra Tuhan i Aki Kapuuno' mai.’

KAINGKUALAN 4:10

Kaa' indagu i Musa ra Tuhan, “Iou Tuhan, pai' aku susubo'. Aku sala' ka ulun matanda' mindadagu, ragili am iou pana raino, kabalu' pana mindagu Kou noyo raki'. Kalo matanda' ra aku mindagu, malambayut mindagu am kalo masail ku toojo.”

KAINGKUALAN 4:30

Pambala' i Arun risilo ra ngaangai' baal kaimuagan ondo' pinabala' ru Tuhan ri Musa, am mambaal i Musa ra kaimuagan ra saang ru ngaangai' ulun no.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

KAINGKUALAN 6:12

Kaa' taam i Musa, “Ulun-ulun ru Israil galama' marara' mangining ra ondo' raguon kuno, mulu' poyo raja' ru Misir. Mailo aku mindagu.”

KAINGKUALAN 6:30

Kaa' indagu i Musa, “Nakapandai Kou ra kalo matanda' aku mindagu. Masaga' kia nua' lair raja' no mangining ra ondo' raguon kuno?”

JIRIMIA 1:6

Taam aku, “Iou Tuhan Raja', kalo matanda' ra aku mindagu sabap ra aku ti lakat poyo mamulok.”

YEHEZKIEL 3:14

Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.

RINALATAN 7:25

Pangkaraan nali, maaru' bansa' nati makatutun ra io inalap ri Aki Kapuuno' koson mangindangan mampalabus risilo. Kaa' kalo nakatutun ilo.)

TINGGANAI RU BANSA' 6:17

Indagu i Gidion, “Amon ru totopot iniou aku ru Tuhan, anii' aku ra inono' ra Tuhan ondo' nanaak raki' ra susuban ti.