KAINGKUALAN 38:21 - Tanou Moonsoi Timugon

²¹ Gitio noyo suang ru basi' ondo' pakayon ralalom Kim ru Tuhan, intok ru ruo batu pamatikan ondo' tinulisan ra Mopor Ukum no binulian. Suang no binaal maya' ra susuban ri Musa am tinampos ru ulun ru Liwi, ondo' nangandoi ra tiningganai ri Itamar, anak ri Imam Arun.

KAINGKUALAN 38:21 Iomraidhean Croise

1 TUNUNG RU BANSA' ISRAIL 6:3

I Amram mokoondo' ruo anak ungkuyon: Arun am Musa, am sangulun anak ruandu' ininggalanan ri Miriam. I Arun mokoondo' apat anak ungkuyon: Nadab, Abigu, Iliajar am Itamar.

2 TUNUNG RU BANSA' ISRAIL 24:6

Ginio ra pampiau Raja' Joas ri Joyada, tingganai nilo am pangkuot, “Kua rirun kalo nanusub ra ulun ru Liwi mongoi ra mamagun ru Jiuda am Jirusalim koson manimung ra cukai ondo' pinaugar ri Musa, ulipon ru Tuhan no ra tayar ru Kim ru Tuhan?”

AYUP 11:4

Guang muno ra ragu-ragu muno kolondo' sala, am ra okou mapasau ra saang ri Aki Kapuuno'.

AYUP 22:23

Musiti' kou sumaguli' ri Aki Kapuuno' ra guang minggana', am ngaangai' kalaatan giu' ra baloi muno musiti' pupusin mu.

AYUP 26:1

Kaa' indagu i Ayup,

MAZMUR 15:1

Mazmur ri Daut. Iou Tuhan, osoi kia ondo' makaayan sangkinolor ra Kim Muno? Osoi kia makaayan ra Sion, bulur Muno ondo' matulai no?

KAINGKUALAN 25:16

Musiti' min pabantaan boo karuo-ruo batu pamatikan ondo' pataakon Kuno ramuyun ralalom ru Kaban; batu raginilo makatinulisan ra susuban no.

KAINGKUALAN 26:33

Patakinon tabir no ragana' ru pinatinting ra sangutan ra taap ru Kim. Pabantaa' Kaban Nabantuan ondo' makasuang ra ruo batu pamatikan no ra bakulung ru tabir no. Tabir no mapasuai ra Lamin Pansunuran am Lamin Matulai Kaga'.

KAINGKUALAN 38:20

Ngaangai' paku' tataun ru Kim am insor no binaal intor ra gangsa'.

KAINGKUALAN 38:22

I Bijalil anak ri Uri, akupu ri Gur intor ra bansa' ru Jiuda, nambaal ra ngaangai' ondo' nanusuban ru Tuhan.

KAINGKUALAN 40:3

Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban.

KAINGKUALAN 6:23

I Arun nagandu' ri Ilisiba, anak ruandu' ri Aminadab; i Ilisiba pabukat ruandu' niayuk ri Nagason. Naganak i Ilisiba ri Nadab, Abigu, Iliajar am i Itamar.

UNTABAN 1:50

Kaa' susubo' ulun ru Liwi manalingapu ra Kim Kuno am ngaangai' kuliamos no. Musiti' nilo pikulin Kim am kuliamos no, am niayuk mangandoi ra giu' no. Ilo niayuk musiti' mangkim niayuk ra liput ru Kim Kuno.

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 10:11

Paat ra orou karuo ngoopor sila' karuo, paat ra bilor karuo nalupus ulun ru Israil nangiruan ra Misir, gaun ondo' soroi giu' ra rasawat ru Kim ru Tuhan no mininsawat.

UNTABAN 18:2

Susubo' pabukat-pabukat muno, iono bansa' ru Liwi, mangandoi mababaya' ramuyun am mangindangan ramuyun paat ra okou am anak-anak ungkuyon muno mangandoi giu' ra Kim Kuno.

UNTABAN 24:5

Kim-kim ru Israil moonsoi toojo,

UNTABAN 9:15

Paat ra orou napatirangan ra Kim ru Tuhan, ratong gaun nanili ra Kim no. Paat ra rondom ilain gaun no koson ra apui.

MATIUS 17:4

Indagu i Pitrus ri Jisus, “Tuhan, moonsoi toojo itakau soroi ragiti. Amon ru masaga' kou ayuk Tuhan, manirong aku ra talu kalukub; rondo' Rirun, rondo' ri nabi Musa am rondo' poyo ri nabi Ilia.”

RINALATAN 7:44

“Kinamatuaan takali mokoondo' ra Kim Sambayangan ondo' nababaya' risilo giu' ra intok masiluk. Kim no binaal maya' ra nanusuban ri Aki Kapuuno' ri Musa, sumugut ra ondo' nanuluan Nano riso i.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

IBRANI 8:2

Giu' no mampaugar Io ra kandoi koson ra Tingganai Maayo Imam ra Intok Matulai Kaga', ioginio Kim Sambayangan ra motopot ondo' binaal ru Tuhan am sala' ka ulun.

IBRANI 9:11

Kaa' i Kristus nakaratong noyo koson ra Tingganai Maayo Imam am nangindangan ra ulun ra minumpos Io ra kim giu' ra suruga', ondo' gitio matulai am moonsoi poyo intor ra ondo' binaal ru ulun ragili.

2 PITRUS 1:13

Buoi ra aku maayag, moonsoi niayuk ru mampakara' aku ramuyun intor ra baal raginii.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 15:5

Kopongo raginio, kakito ku Baloi Tuhan giu' ra suruga', naukab am Kim Sambayangan nokosoroi ra ralalom no.

PINAINTALANG 21:3

Korongog ku bolos mosongou intor ra takhta no, kono, “Raino i Aki Kapuuno' masimpung ra ulun. Mayan Io mabaya' risilo am masauk ilo ra ulun Nano. I Aki Kapuuno' galama' sumimpung risilo am masauk ri Aki Kapuuno' nilo.