KAINGKUALAN 38:1 - Tanou Moonsoi Timugon

¹ Pambaal i Bijalil rondo' altar intor ra tataun akasia koson intok monolob ra taak simbalui. Baal ru altar no apat persegi, gawar no 2.2 ngamito, pila' no 2.2 ngamito am sawat no 1.3 ngamito.

KAINGKUALAN 38:1 Iomraidhean Croise

2 TUNUNG RU BANSA' ISRAIL 1:5

Altar gangsa' ondo' binaal ru Bijalil anak ri Uri, akupu ri Gur, niayuk mokoondo' giu' ra Gibion, giu' ra saang ru kim ru Tuhan. Raja' Salomo am ngaangai' ru mamagun siminamba ra Tuhan ra giu' no.

2 TUNUNG RU BANSA' ISRAIL 4:1

Nanusub Raja' Salomo ra ulun mambaal rondo' altar gangsa' gayo no 9 ngamito am sawat no 4.5 ngamito.

KAINGKUALAN 25:5

kungkung ru domba gawayan ondo' kinalia'; kungkung malumis; tataun akasia;

KAINGKUALAN 30:17

Indagu Tuhan ri Musa,

KAINGKUALAN 31:9

altar ru taak simbalui koson mapabansuk ra guang ru Tuhan am ngaangai' kuliamos no, bisin am antulan no,

KAINGKUALAN 38:2

Tampilon ra rasawat ru altar no, pambaal io ra sangau ra kaapat-apat pisuk no pinogondo' ra altar no. Angkupi' no ngaangai' no ra gangsa'.

KAINGKUALAN 40:29

am giu' no, ra saang ru tabir no, pabantaa' no altar panalaban ra taak simbalui. Rasawat ru altar no papataak io ra taak simbalui koson mapabansuk ra guang ru Tuhan, am taak simbalui koson maringkuanang ra Tuhan, koson ra nanusuban ru Tuhan.

KAINGKUALAN 40:6

Pabantaa' altar intok monolob ra taak simbalui ra saang ru Kim.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

IBRANI 13:10

Imam-imam Jaudi ondo' mangandoi ra Kim Sambayangan, kalo makaaya' ritakau mampataak ra taak simbalui koson paringkuanangan ra sambayangan takau.

IBRANI 13:8

I Jisus Kristus kalo makulau, intor ra galing i, raino am ra sabuoi-buoi no.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

PINAINTALANG 21:16

Baal ru bandar no makaapat pisuk am gawar nano nogondo' ra pila' no. Tukuo' boo ru malaikat bandar no ra tutuku' no; gawar nano 2,400 kilomito. Pila' am sawat nano nogondo' ra gawar nano.