KAINGKUALAN 37:9 - Tanou Moonsoi Timugon

⁹ Pinantaluma' kirub no, am pinainduku', am ra kawo ondo' nabingkal koson manaub ra panaub ru Kaban.

KAINGKUALAN 37:9 Iomraidhean Croise

KASAUKAN 28:12

Paginupi boo i Jakub, nakito no rondo' tukar giti ra tana' ti am pompor no nakasuku' ra limbowon, am malaikat-malaikat tumuun magaloi ra tukar no.

KASAUKAN 3:24

Giu' boo ra tampilon sirangon ru Taman no, Tuhan i Aki Kapuuno' napaayan ra kirub am rondo' ilang makaapui ondo' lumibut ra ngaangai' intok koson mantamung ra puun ondo' mangani' ra bayag. Ginio ra kolondo' sangulun pana makasubol am makainggaar ra puun raginio.

1 RAJA'-RAJA' 6:27

Karuo-ruo kirub no pinabanta' ra pinaganding giu' ra Lamin Matulai Kaga', maa' raginio pompor ru karuo-ruo ra kawo no sigagama' makalampik ra tatanga' ru lamin, am pompor ru karuo-ruo kawo ra bokon no makalampik ra rinding.

KAINGKUALAN 25:20

am baalon pantalumaan ra rasawat ru panaub, am bulos magilong ra ragana', am kawo ondo' nabingkal koson manaub ra panaub no.

KAINGKUALAN 37:10

Pambaal i Bijalil rondo' mija' intor ra tataun akasia, makagawar 88 ngasintimito, makapila' 44 ngasintimito am makasawat 66 ngasintimito.

JISAYA 6:2

Ilo ondo' maayag ondo' masimbula' koson ra apui minigor ra libung Nano: moonong ilo mokoondo' onom kawo. Moonong ilo no ruo kawo pakayon no koson pananaub ra bulos, ruo kawo poyo pananaub ra inan, am ruo poyo pakayon mansiab,

JUANIS 1:51

Indagu poyo i Jisus risilo, “Balain takamin toojo, makito min suruga' pabulowo am malaikat-malaikat ri Aki Kapuuno' magaloi am tumuun mongoi ra Anak ru Ulun.”

2 KORINTUS 3:18

Raino bulos takau ngai' kalo nasilian am mapatampulau takau boo ra sinda ru katulayan ru Tuhan. Sinda ru katulayan raginio niayuk ondo' mangulau ritakau masauk nogondo' Riso, koson buoi-kabuoi gumaai sinda ru katulayan takau. Ngaangai' ti intor noyo ra Ambiluo ru Tuhan.

IPISUS 3:10

Maa' raginio koson ra raino ti, mansail ra pasimpungan ulun Kristian, mampakito i Aki Kapuuno' ra kapintaran Nano ra mangunguasa' am kaikangan ru limbowon ti.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.